(vovworld) - ທີ່ການພົບປະກັນປະທານພັກກອມມູນິດອາເມລິກາ John Bachtell, ໃນວັນທີ 10/07, ທ່ານເລຂາທິການໃຫຍ່ ຫງວຽນຟຸຈ້ອງ ຖືວ່າ ພັກກອມມູນິດ ແລະ ປະຊາຊົນຫວຽດນາມ ຍາມໃດກໍ່ເອົາໃຈໃສ່ ແລະ ຕິດຕາມພາລະກິດຂອງບັນດານັກກອມມູນິດອາເມລິກາ ແລະ ສະແດງຄວາມປິຕິຊົມຊື່ນເມື່ອເຫັນວ່າ ການພົວພັນອັນເປັນມູນເຊື້ອທີ່ສະໜິດແໜ້ນລະຫວ່າງ 2 ພັກໄດ້ຮັບການປັບປຸງຢ່າງບໍ່ຢຸດຢັ້ງ ແລະ ເພີ່ມທະວີໃນຕະຫຼອດໄລຍະຜ່ານມາ. ສ່ວນທ່ານປະທານພັກກອມມູນິດອາເມລິກາ John Bachtell ຖືວ່າ, ການຢ້ຽມຢາມອາເມລິກາຄັ້ງນີ້ຂອງທ່ານເລຂາທິການໃຫຍ່ ຫງວຽນຟຸຈ້ອງ ມີຄວາມໝາຍປະຫວັດສາດສຳລັບການພົວພັນຮ່ວມມືລະຫວ່າງຫວຽດນາມ - ອາເມລິກາ.
ແລະກໍໃນວັນດຽວກັນ, ທີ່ນະຄອນຫຼວງນິວຢອກ, ທ່ານເລຂາທິການໃຫຍ່ ຫງວຽນຟຸຈ້ອງ ໄດ້ພົບປະກັບເພື່ອນມິດຝ່າຍຊ້າຍອາເມລິກາ. ທີ່ການແລກປ່ຽນກັບທ່ານເລຂາທິການໃຫຍ່ ຫງວຽນຟຸຈ້ອງ, ບັນດາເພື່ອນມິດຝ່າຍຊ້າຍ ຢືນຢັນວ່າ, ບັນດາກຳລັງຝ່າຍຊ້າຍ ແລະ ປະຊາຊົນກ້າວໜ້າອາເມລິກາ ຍາມໃດກໍຕັ້ງໜ້າສະໜັບສະໜູນໃຫ້ການຕໍ່ສູ້ຂອງປະຊາຊົນຫວຽດນາມ.