ທ່ານເລຂາທິການໃຫຍ່ ຫງວຽນຟູ໋ຈ້ອງ
(vovworld) - ກ່າວຄວາມເຫັນທີ່ການເຮັດວຽກກັບການນຳກະຊວງວັດທະນະທຳ,ກິລາແລະທ່ອງທ່ຽວ ໃນຕອນເຊົ້າວັນທີ 18/10, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ຮຽກຮ້ອງການນຳ ກະຊວງວັດທະນະທຳ, ກິລາ ແລະ ທ່ອງທ່ຽວ ສືບຕໍ່ຄົ້ນຄ້ວາ, ຍົກສູງຄວາມຮັບຮູ້ກ່ຽວກັບບັນຫາວັດທະນະທຳກວ່າອີກ; ຮັບຮູ້ຢ່າງຄົບຖ້ວນ ແລະ ເລິກເຊິ່ງມະຕິ 33 ຂອງສູນກາງ ດ້ວຍຫຼາຍຈຸດໃໝ່ໃນການກໍ່ສ້າງພື້ນຖານວັດທະນະທຳ, ຊາວຫວຽດນາມຢ່າງຮອບດ້ານ, ຖືເປັນສຳຄັນການຫັນບັນດາເນື້ອໃນຂອງມະຕິເປັນກົດໝາຍ ກໍ່ຄືເປັນລາຍການເຄື່ອນໄຫວຢ່າງລະອຽດ. ທ່ານເລຂາທິການໃຫຍ່ ຫງວຽນຟູ໋ຈ້ອງ ຮຽກຮ້ອງກະຊວງວັດທະນະທຳ, ກິລາ ແລະ ທ່ອງທ່ຽວ, ເອົາໃຈໃສ່ເຖິງການບຳລຸງສ້າງ, ການຊັບຊ້ອນ, ນຳໃຊ້ພະນັກງານ, ກໍ່ຄືການເຄື່ອນໄຫວວັດທະນະທຳກັບຕ່າງປະເທດ, ໂຄສະນາຮູບພາບຫວຽດນາມອອກສູ່ໂລກ ໂດຍຜ່ານວັດທະນະທຳ, ການທ່ອງທ່ຽວ ແລະ ກິລາ.