(ທ່ານ ຫງວຽນຟູ໋ຈ້ອງ ເລຂາທິການໃຫຍ່ ລົງຢ້ຽມຢາມຕາແສງ
ຢາທ້ວນ, ເມືອງ ກໍກົງດົງ ແຂວງ ຕຽນຢາງ)
(vovworld) – ໂດຍສືບຕໍ່ປະຕິບັດງານຢູ່ບັນດາແຂວງເຂດທົ່ງພຽງແມ່ນ້ຳຂອງ, ຕອນເຊົ້າວັນທີ 16/03, ທ່ານ ຫງວຽນຟູ໋ຈ້ອງ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ລົງຢ້ຽມຢາມຕາແສງ ຢາທ້ວນ, ເມືອງ ກໍກົງດົງ ແຂວງ ຕຽນຢາງ. ນະທີ່ນີ້, ທ່ານເລຂາທິການໃຫຍ່ ຫງວຽນຟູ໋ຈ້ອງ ຊົມເຊີຍຈິດໃຈເປັນເຈົ້າການຕັ້ງໜ້າຂອງ ເມືອງ ແລະ ຕາແສງທີ່ໄດ້ເຮັດວຽກງານປ້ອງກັນຕ້ານ, ປ້ານຄັນຄູກັນນ້ຳທະເລຊຶມ, ຮັກສານ້ຳຈຶດເປັນຢ່າງດີ ຈັດຕັ້ງສະຖານທີ່ສູບນ້ຳເພື່ອກູ້ເອົາຕົ້ນເຂົ້າ ດັ່ງນັ້ນຈຶ່ງຈຳກັດໄດ້ຄວາມເສຍຫາຍໃນການຜະລິດ. ທ່ານເລຂາທິການໃຫຍ່ ສະແດງຄວາມເບີກບານມ່ວນຊື່ນເມື່ອຮູ້ວ່າ ຍ້ອນມີພັດທະນາເສດຖະກິດ, ສັງຄົມ, ຊີວິດການເປັນຢູ່ຂອງປະຊາຊົນຕາແສງ ຢາທ້ວນ ແລະ ເມືອງ ກໍກົງດົງ ນັບມື້ນັບໄດ້ຮັບການປັບປຸງໃຫ້ດີຂຶ້ນ, ໂສມໜ້າຊົນນະບົດນັບມື້ນັບຈະເລີນເຕີບໂຕ. ທ່ານເລຂາທິການໃຫຍ່ ຫງວຽນຟູ໋ຈ້ອງ ສະເໜີທ້ອງຖິ່ນຈົ່ງເປັນເຈົ້າການຜັນຂະຫຍາຍການປະຕິບັດຄຳສັ່ງຂອງນາຍົກລັດຖະມົນຕີ ກ່ຽວກັບການຕ້ານໄພແຫ້ງແລ້ງ, ນ້ຳທະເລຊຶມເຂົ້າ; ສະເໜີບັນດາກະຊວງ, ຄະນະ, ຂະແໜງການ, ສູນກາງສືບຕໍ່ຊອກຫາວິທີແກ້ໄຂ, ຮັບມືກັບສະພາບການໄພແຫ້ງແລ້ງ, ນ້ຳທະເລຊຶມເຂົ້າ ດ້ວຍບັນດາມາດຕະການທັງໃນສະເພາະໜ້າ ແລະ ຍາມນານ, ທັງຢູ່ກັບທີ່ ແລະ ຈາກທາງໄກ.