ທ່ານລັດຖະມົນຕີ ຫງວຽນແທງລອງ ເຮັດວຽກກັບນະຄອນ ໂຮ່ຈີມິນ (ພາບ: suckhoedoisong.vn)

ວັນທີ 29 ກໍລະກົດ, ທ່ານລັດຖະມົນຕີກະຊວງສາທາລະນະສຸກຫວຽດນາມ ຫງວຽນແທງລອງ ໄດ້ເຮັດວຽກກັບຄະນະພັກ, ຄະນະກຳມະການປະຊາຊົນນະຄອນ ໂຮ່ຈີມິນ ກ່ຽວກັບວຽກງານປ້ອງກັນ, ຕ້ານໂລກລະບາດໂຄວິດ-19 ໃນບໍລິເວນ. ທີ່ການເຮັດວຽກ, ທ່ານລັດຖະມົນຕີ ຫງວຽນແທງລອງ ໄດ້ເນັ້ນໜັກທັດສະນະຂອງນະຄອນ ແມ່ນຕ້ອງຍູ້ໄວການສັກວັກຊິນປ້ອງກັນ, ຕ້ານໂລກລະບາດໂຄວິດ-19 ໃຫ້ແກ່ປະຊາຊົນຂຶ້ນລະດັບສູງສຸດ. ຖ້າຄາດແຫຼ່ງກຳລັງຜັນຂະຫຍາຍການສັກວັກຊິນໃນບໍລິເວນ, ກະຊວງສາທາລະນະສຸກຈະລະດົມແຫຼ່ງກຳລັງຕື່ມອີກ ເພື່ອຍູ້ໄວຄວາມຄືບໜ້າ ແຕ່ຕ້ອງຮັບປະກັນຄວາມປອດໄພໃນການສັກວັກຊິນ. ປະຈຸບັນ, ແຕ່ລະມື້ ນະຄອນ ໂຮ່ຈີມິນ ໄດ້ສັກວັກຊິນປະມານ 70.000 – 80.000 ໂດສ. ທາງນະຄອນສູ້ຊົນໃນເດືອນ ສິງຫາ ຈະສັກວັກຊິນ 1 ເຂັນໃຫ້ປະຊາຊົນປະມານ 70%.