ພາຍຫຼັງອອກເຄື່ອນພົນເປັນເວລາເກືອບ 2 ອາທິດ ໃນການປະຕິບັດເດືອນຊາວໜຸ່ມຫວຽດນາມ ໂດຍຄະນະຊາວໜຸ່ມນະຄອນໂຮ່ຈີມິນ ປຸກລະດົມນັບແຕ່ວັນທີ 01 ມີນາ, ໄດ້ມີຄະນະສະມາຊິກຊາວໜຸ່ມ, ຊາວໜຸ່ມ ແລະ ປະຊາຊົນຢູ່ທ້ອງຖິ່ນເກືອບ 200.000 ເທື່ອຄົນໄດ້ເຂົ້າຮ່ວມ ແລະ ປະຕິບັດການກໍ່ສ້າງນັບຮ້ອຍກິດຈະກຳ, ພ້ອມກັບບັນດາການເຄື່ອນໄຫວອາສາສະໝັກເພື່ອໜູນຊ່ວຍສັງຄົມ.

        ເດືອນຊາວໜຸ່ມ ໄດ້ພ້ອມກັນດຳເນີນຢູ່ 24 ເມືອງ ແລະ ບັນດາຮາກຖານທີ່ຂຶ້ນກັບ ດ້ວຍເນື້ອໃນຫຼາຍຢ່າງທີ່ເໝາະສົມກັບເງື່ອນໄຂຕົວຈິງຂອງຫົວໜ່ວຍ, ທ້ອງຖິ່ນ. ຈຸດສຸມແມ່ນການເຄື່ອນໄຫວສຶກສາມູນເຊື້ອປະຕິວັດໃຫ້ແກ່ສະມາຊິກຊາວໜຸ່ມ, ເບິ່ງແຍງດູແລໃຫ້ແກ່ບັນດາຄອບຄົວເປົ້າໝາຍນະໂຍບາຍ, ແມ່ຫວຽດນາມວິລະຊົນ…

        ພິເສດ, ເດືອນຊາວໜຸ່ມປີນີ້ ໄດ້ດຳເນີນໄປໃນຈຸດເວລາທົ່ວປະເທດພວມປ້ອງກັນ, ຄວບຄຸມໂລກລະບາດ  Covid-19, ສະນັ້ນ ບັນດາຮາກຖານຊາວໜຸ່ມຍັງຈັດຕັ້ງບັນດາການເຄື່ອນໄຫວໂຄສະນາການປ້ອງກັນ, ຄວບຄຸມໂລກລະບາດ, ປົກປັກຮັກສາສິ່ງແວດລ້ອມ… ຕື່ມອີກ