ນະຄອນໂຮ່ຈິມີນເຊີດຊູ125ແບບຢ່າງດີເດັ່ນ”ວຽກດີຄົນເດັ່ນ”ໄລຍະ2010-2015
ທ່ານນາງຫວໍທິຢູງປະທານຄະນະກຳມະການແນວໂຮມປະເທດຊາດຫວຽດນາມ ນະຄອນ ໂຮ່ຈິມີນ
ພາບ:giacngo.vn
|
(vovworld)- ບັນດາສ່ວນບຸກຄົນໂດຍຄະນະກຳມະການແນວໂຮມປະເທດຊາດຫວຽດນາມ ນະຄອນໂຮ່ຈິມີນ ເຊີດຊູ ທີ່ກອງປະຊຸມຈັດຂຶ້ນໃນວັນທີ 15/6 ແມ່ນບັນດາແບບຢ່າງກ່ຽວກັບນ້ຳໃຈຮັກບ້ານເກີດເມືອງນອນ ປະເທດຊາດ, ເປັນເຈົ້າ, ບືນຕົວຂຶ້ນ, ພ້ອມແລ້ວແບ່ງປັນເພື່ອພ້ອມກັນກ້າວຫນ້າ. ທີ່ກອງປະຊຸມ, ບັນດາຜູ້ແທນໄດ້ພົວພັນແລກປ່ຽນກັບບຸກຄົນທີ່ເປັນແບບຢ່າງດີເດັ່ນຈຳນວນຫນຶ່ງໃນບັນດາການເຄື່ອນໄຫວຄື: ຂົນຂວາຍປະຊາຊົນປົກປັກຮັກສາສິ່ງແວດລ້ອມ, ຊ່ວຍເຫລືອຜູ້ທຸກຍາກ, ເຂົ້າຮ່ວມວຽກງານປ້ອງກັນຄວາມສະຫງົບ, ກູ້ຊີບ. ຕາມທ່ານ ຫວໍທິຢູງ, ປະທານຄະນະກຳມະການແນວໂຮມປະເທດຊາດຫວຽດນາມ ນະຄອນ ໂຮ່ຈິມີນ ແລ້ວ, ບັນດາແບບຢ່າງດີເດັ່ນໃນຂະບວນການ “ວຽກດີຄົນເດັ່ນ” ໄດ້ສົ່ງຜົນກະທົບ, ຊຸກຍູ້ບັນດາຂະບວນການອື່ນໃນປະຊາຊົນ, ປະກອບສ່ວນຢ່າງຕັ້ງຫນ້າເຂົ້າໃນການພັດທະນາລວມຂອງນະຄອນ. ຜ່ານນັ້ນ ປະກອບສ່ວນສຳຄັນເຂົ້າໃນການຮັບປະກັນຄວາມເປັນລະບຽບຮຽບຮ້ອຍຂອງນະຄອນ, ສຳເລັດແຕ່ລະໄລຍະໃນການປະຕິບັດໂຄງການຈຸດໝາຍຫລຸດຜ່ອນຄວາມທຸກຍາກ, ໂຄງການກໍ່ສ້າງຊົນນະບົດໃຫມ່.