ນະຄອນໂຮ່ຈີມິນແລະຝຣັ່ງຊຸກຍູ້ການຮ່ວມມືໃນຫຼາຍຂົງເຂດ
(ພາບປະກອບຈາກ Vũ Sinh/TTXVN)
|
(vovworld) – ວັນທີ 14/4, ໃນການຕ້ອນຮັບທ່ານ Matthias Fekl, ລັດຖະມົນຕີວ່າການຮັບຜິດຊອບການຄ້າຕ່າງປະເທດ, ສົ່ງເສີມການທ່ອງທ່ຽວ ແລະ ປະຊາຄົມຊາວ ຝຣັ່ງ ຢູ່ຕ່າງປະເທດ ຂຶ້ນກັບກະຊວງການຕ່າງປະເທດ ແລະ ພັດທະນາສາກົນ ຝຣັ່ງ, ໄດ້ມາສຳຫຼວດກວດກາ, ຊອກຮູ້ສະພາບການຕົວຈິງໃນການຮ່ວມມືລະຫວ່າງນະຄອນໂຮ່ຈີມິນ ແລະ ຝຣັ່ງ, ທ່ານນາງຮອງປະທານຄະນະກຳມະການປະຊາຊົນນະຄອນໂຮ່ຈີມິນ ຫງວຽນທິຮົ່ງ, ໃຫ້ຮູ້ວ່າ: ປະຈຸບັນມີວິສາຫະກິດ ຝຣັ່ງ ຫຼາຍແຫ່ງ ໄດ້ເຂົ້າມາລົງທຶນຢູ່ນະຄອນໂຮ່ຈີມິນ, ເຖິງຢ່າງໃດກໍ່ຕາມ, ບັນດາວິສາຫະກິດຍັງບໍ່ທັນຂຸດຄົ້ນ ຄວາມສາມາດບົ່ນຊ້ອມໄດ້ໝົດເທື່ອ. ນະຄອນໂຮ່ຈີມິນ ຫວັງວ່າຈະຈັດຕັ້ງກອງປະຊຸມສຳມະນາກັບຄະນະນັກທຸລະກິດ ຝຣັ່ງ ມານະຄອນ ໂຮ່ຈີມິນ ໂດຍໄວ ເພື່ອຊອກຮູ້ຫຼາຍຂົງເຂດຢ່າງເລິກເຊິ່ງ, ກ້ວາງຂວາງກວ່າອີກ. ທ່ານນາງ ຫງວຽນທິຮົ່ງ ເນັ້ນໜັກວ່າ: ນະຄອນໂຮ່ຈີມິນ ເອົາໃຈໃສ່ເປັນພິເສດເຖິງການພັດທະນາບັນດາຂົງເຂດກະສິກຳ, ການສຶກສາ ແລະ ສາທາລະນະສຸກ; ແລະ ປາດຖະໜາວ່າ, ໃນໄລຍະຈະມາເຖິງ, ຝຣັ່ງ ຈະສືບຕໍ່ໜູນຊ່ວຍ, ພິເສດແມ່ນແບ່ງປັນບົດຮຽນໃນການຮັກສາໝາກໄມ້ ຫຼັງຈາກການເກັບກູ້ ຂອງນະຄອນໃຫ້ບັນລຸຄຸນນະພາບ, ຕອບສະໜອງໄດ້ມາດຖານສົ່ງອອກໄປຕະຫຼາດສາກົນ. ທ່ານ Matthias Fekl ເນັ້ນໜັກ: ຄວາມສາມາດບົ່ນຊ້ອມໃນການຮ່ວມມືລະຫວ່າງ 2 ຝ່າຍ ແລະ ຢັ້ງຢືນໃນໄລຍະຈະມາເຖິງ, ດ້ວຍການໜູນຊ່ວຍຈາກການນຳນະຄອນ ໂຮ່ຈີມິນ, ຈະມີວິສາຫະກິດ ຝຣັ່ງ ຫຼາຍແຫ່ງມາລົງທຶນຢູ່ ນະຄອນໂຮ່ຈີມິນ ກວ່າອີກ, ບັນດາໂຄງການໄດ້ຮັບການຜັນຂະຫຍາຍຢ່າງມີປະສິດທິຜົນ, ປະກອບສ່ວນເຂົ້າໃນການພັດທະນາຂອງນະຄອນໂຮ່ຈີມິນ ເວົ້າສະເພາະ ແລະ ຫວຽດນາມ ເວົ້າລວມ.