(vovworld) - ໃນຂອບເຂດລາຍການຢ້ຽມຢາມ ແລະ ເຮັດວຽກຢູ່ບັນດາແຂວງທາງພາກເໜືອຂອງ ລາວ, ວັນທີ 15/3, ທ່ານນາຍົກລັດຖະມົນຕີ ຫວຽດນາມ ຫງວຽນເຕີນຢູງ ໄດ້ມີການພົບປະເຈລະຈາກັບທ່ານນາຍົກລັດຖະມົນຕີ ລາວ ທອງສິງ ທຳມະວົງ. ທີ່ການພົບປະເຈລະຈາ, ນາຍົກລັດຖະມົນຕີ ທັງ 2 ທ່ານ ຢັ້ງຢືນຈະສືບຕໍ່ສ້າງເງື່ອນໄຂອຳນວຍຄວາມສະດວກໃຫ້ແກ່ບັນດາວິສາຫະກິດ 2 ປະເທດໃນການຮ່ວມມືເສດຖະກິດ, ການຄ້າ, ການລົງທຶນ, ເຫັນດີເປັນເອກະພາບຊີ້ນຳບັນດາກະຊວງ, ຂະແໜງການ ແລະ ທ້ອງຖິ່ນຕັ້ງໜ້າສົມທົບກັນປະຕິບັດບັນດາຂໍ້ຕົກລົງຂອງ 2 ປະເທດ, ສຸມໃສ່ຜັນຂະຫຍາຍໃຫ້ບັນດາໂຄງການຖືກກັບຄວາມຄືບໜ້າ, ປະສິດທິຜົນ, ພິເສດແມ່ນປະຕິບັດສຳເລັດບັນດາໂຄງການຈຸດສຸມ, ມີຂອບຂະໜາດໃຫຍ່ຕິດພັນກັບແຜນການພັດທະນາເສດຖະກິດ - ສັງຄົມ ຂອງລາວ ເພື່ອສ້າງການຫັນປ່ຽນຢ່າງຈະແຈ້ງ ໃນການພົວພັນຮ່ວມມືລະຫວ່າງ 2 ປະເທດໃນໄລຍະຈະມາເຖິງ. ເນື່ອງໃນໂອກາດນີ້, ນາຍົກລັດຖະມົນຕີ 2 ທ່ານ ກໍ່ໄດ້ແລກປ່ຽນບາງບັນຫາສາກົນ ແລະ ພາກພື້ນເຊິ່ງທັງ 2 ຝ່າຍຕ່າງມີຄວາມສົນໃຈ.