ໃນຖະແຫຼງການທີ່ໄດ້ຍົກອອກມາໃນວັນທີ 27 ຕຸລາ, ລັດຖະບານ ຈໍເຈຍ ໄດ້ຢັ້ງຢືນວ່າ ທ່ານນາຍົກລັດຖະມົນຕີ ຮຸງກາຣີ Viktor Orban ເຊິ່ງແມ່ນປະເທດຮັບດຳລົງຕຳແໜ່ງປະທານໝູນວຽນສະພາຂອງ ສະຫະພາບ ເອີລົບ (EU) ຈະມີການຢ້ຽມຢາມ ຈໍເຈຍ ຢ່າງເປັນທາງການໃນວັນທີ 28 ຕຸລາ ແລະ ວັນທີ 29 ຕຸລາ.

ໃນຂອບເຂດການຢ້ຽມຢາມ, ສອງຝ່າຍຄາດວ່າຈະເຂົ້າຮ່ວມບັນດາກອງປະຊຸມສະເພາະເພື່ອປຶກສາຫາລືບັນດາບັນຫາໃນການພົວພັນສອງຝ່າຍ, ກໍ່ຄືບັນດາບັນຫາໂລກ, ພາກພື້ນທີ່ຕ່າງຝ່າຍຕ່າງມີຄວາມສົນໃຈ. ນອກຈາກນັ້ນ, ການນຳສອງຝ່າຍກໍ່ຄາດວ່າຈະເຂົ້າຮ່ວມກອງປະຊຸມຖະແຫຼງຂ່າວໃນວັນທີ 29 ຕຸລາ. ການຢ້ຽມຢາມຂອງທ່ານນາຍົກລັດຖະມົນຕີ ຮຸງກາຣີ ໄດ້ດຳເນີນໃນສະພາບການທີ່ພັກແຫ່ງຄວາມຝັນ ຈໍເຈຍ ກຳອຳນາດ ຫາກໍ່ຍາດໄດ້ໄຊຊະນະໃນການເລືອກຕັ້ງທົ່ວປະເທດທີ່ໄດ້ດຳເນີນໃນວັນທີ 27 ຕຸລາ ຢູ່ ປະເທດນີ້. ພາຍຫຼັງການຢັ່ງຫາສຽງເລືອກຕັ້ງຂອງຜູ້ມີສິດເລືອກຕັ້ງ ຄາດວ່າ ພັກແຫ່ງຄວາມຝັນ ຈໍເຈຍ ຈະຍາດໄດ້ໄຊຊະນະ, ທ່ານນາຍົກລັດຖະມົນຕີ Orban ກໍ່ໄດ້ສະແດງຄວາມຊົມເຊີຍ ຕໍ່ພັກນີ້ ແລະ ຖືວ່າ ປະຊາຊົນ ຮູ້ວ່າສິ່ງໃດດີທີ່ສຸດສຳລັບປະເທດຊາດຕົນ.