ນາຍົກລັດຖະມົນຕີຕວກກີຢ້ຽມຢາມມາເລເຊຍ
ທ່ານນາຍົກລັດຖະມົນຕີ ມາເລເຊຍ Najib Tun Razak (ເບື້ອງຂວາ) ທ່ານນາຍົກລັດຖະມົນຕີ ຕວກກີ Recep Tayyip Erdogan (ພາບຖ່າຍວັນທີ 22/2/2011)
(ພາບ: ສຳນັກຂາວສານ ຊິນຮວາ)
(vovworld) - ຕອນຄຳ່ວັນທີ 9/1, ທ່ານນາຍົກລັດຖະມົນຕີ ຕວກກີ Recep Tayyip Erdogan ໄດ້ມາຮອດ Kuala Lumpur, ເລີ່ມຕົ້ນການຢ້ຽມຢາມ ມາເລເຊຍ ຢ່າງເປັນທາງການຕາມຄຳເຊື້ອເຊີນຂອງນາຍົກລັດຖະມົນຕີ ມາເລເຊຍ ທ່ານ Najib Tun Razak.
ການຢ້ຽມຢາມໄດ້ດຳເນີນໄປກົງກັບໂອກາດສະເຫຼີມສະຫຼອງ 50 ປີແຫ່ງການສ້າງຕັ້ງສາຍພົວພັນທາງການທູດລະຫວ່າງສອງປະເທດ.
ຕາມແຜນດຳເນີນງານ, ທ່ານ ນາຍົກລັດຖະມົນຕີ Erdogan ຈະມີການພົບປະເຈລະຈາກັບທ່ານນາຍົກລັດຖະມົນຕີ Najib ກ່ຽວກັບການເພີ່ມທະວີການໂອະ
ລົມສົນທະນາ ແລະ ການຮ່ວມມືລະຫວ່າງສອງປະເທດໃນຂົງເຂດຕ່າງໆຄື ການເມືອງ, ການຄ້າ, ການລົງທຶນ, ການທ່ອງທ່ຽວ, ການສຶກສາ ແລະ ການປ້ອງກັນປະເທດ. ຜູ້ນຳສອງທ່ານກໍ່ຈະປຶກສາຫາລື ແລະ ແລກປ່ຽນທັດສະນະກ່ຽວກັບບັນດາບັນຫາເຊິ່ງທັງໃນພາກພື້ນ ແລະ ສາກົນລ້ວນແຕ່ມີຄວາມສົນໃຈ. ການຢ້ຽມຢາມ ມາເລເຊຍ ແມ່ນພາກສ່ວນໜຶ່ງໃນການຢ້ຽມຢາມບັນດາປະເທດອາຊີຂອງນາຍົກລັດຖະມົນຕີ Erdogan, ເຊິ່ງລວມມີ ຍີ່ປູນ ແລະ ສິງກະໂປ.