ນາຍົກລັດຖະມົນຕີຫງວຽນຊວນຟຸກເຂົ້າຮ່ວມກອງປະຊຸມການທະຫານແລະການເມືອງທົ່ວກອງທັບ6ເດືອນຕົ້ນປີ
ກອງປະຊຸມການທະຫານແລະການເມືອງທົ່ວກອງທັບ6ເດືອນຕົ້ນປີ
(ພາບ: TTXVN)
(vovworld) - ຕອນເຊົ້າວັນທີ 11/07, ຢູ່ຮ່າໂນ້ຍ, ຄະນະພັກການທະຫານສູນກາງ, ກະຊວງປ້ອງກັນປະເທດໄດ້ຈັດກອງປະຊຸມການທະຫານແລະການເມືອງທົ່ວກອງທັບ 6 ເດືອນຕົ້ນປີ 2016. ກ່່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເນັ້ນໜັກເປັນພິເສດເຖິງວຽກງານປ້ອງກັນຊາດ, ປ້ອງກັນຄວາມສະຫງົບ ທີ່ໄດ້ປະກອບສ່ວນເຂົ້າໃນໜ້າທີ່ປົກປັກຮັກສາດ້ານການເມືອງຢ່າງໝັ້ນຄົງ, ຄວາມເປັນລະບຽບຮຽບຮ້ອຍທາງສັງຄົມ, ການປະຕິບັດບັນດາຄາດໝາຍພັດທະນາເສດຖະກິດ, ສັງຄົມ, ການເຄື່ອນໄຫວພົວພັນຕ່າງປະເທດຂອງປະເທດຊາດ… ຕີລາຄາສູງນ້ຳໃຈສາມັກຄີ, ມີຄວາມເປັນເອກະພາບດ້ານເຈດຈຳນົງສູງ, ຕິດພັນຢ່າງສະໜິດແໜ້ນກັບປະຊາຊົນຂອງຜູ້ບັນຊາການ, ພະນັກງານ, ນັກຮົບກອງທັບປະຊາຊົນຫວຽດນາມ ຈາກສູນກາງລົງຮອດຂັ້ນຮາກຖານ ເພື່ອໜ້າທີ່ລວມຂອງປະເທດຊາດ, ທ່ານນາຍົກລັດຖະມົນຕີ ເນັ້ນໜັກວ່າ, ໃນສະພາບມີການຜັນແປຢ່າງສັບສົນຂອງສະພາບເສດຖະກິດໂລກ, ຄວາມເຄັ່ງຕຶງປິນຂັ້ນໄດ, ການກໍ່ການຮ້າຍເກີດຂຶ້ນຢູ່ຫຼາຍແຫ່ງ, ໂດຍສະເພາະແມ່ນການຜັນແປທີ່ເຄັ່ງຕຶງ, ຍາກທີ່ຈະຄາດຄະເນໄດ້ຢູ່ທະເລຕາເວັນອອກ, ພ້ອມກັບບັນດາຄວາມຫຍຸ້ງຍາກຢູ່ພາຍໃນປະເທດ ຮຽກຮ້ອງໃຫ້ຕ້ອງມີຄວາມມານະພະຍາຍາມ, ຄວາມຕັດສິນໃຈຢ່າງສູງຂອງກອງທັບປະຊາຊົນຫວຽດນາມ ເພື່ອປະຕິບັດສຳເລັດໜ້າທີ່ ທີີ່ໄດ້ວາງອອກໃນປີ 2016, ສົມກັບຄວາມໄວ້ເນື້ອເຊື່ອໃຈຂອງພັກ, ລັດ ແລະ ປະຊາຊົນ.