(vovworld) – ທີ່​ກອງ​ປະຊຸມ​ໃນ​ຕອນ​ບ່າຍ​ວັນ​ທີ 26/8, ຢູ່​ສຳນັກງານລັດຖະບານ, ບັນດາ​ຜູ້​ແທນ​ໄດ້​ສຸມ​ໃສ່​ປຶ​ກສາ​ຫາລື, ຍົກ​ອອກ​ທັດສະນະ ​ແລະ ປະກອບ​ຄຳ​ເ​ຫັນ​ຫຼາຍ​ຢ່າງ​ກ່ຽວ​ກັບ​ການ​ກຳນົດ​ທິດ​ສຳລັບ 3 ບັນຫາ​ໃຫຍ່​ທີ່​ກ່ຍວຂ້ອງ​ເຖິງ​ການ​ສ້າງ​ລະບົບ​ການ​ສຶກສາ​ແຫ່ງ​ຊາດ​ໃຫ້​ສົມບູນ​ແບບ, ວິທີ​ຈັດ​ຕັ້ງ​ການ​ສອບ​ເສັງ​ຂັ້ນ​ຕ່າງໆ ​ແລະ ​ແຜນການ​ປ່ຽນ​ໃໝ່​ໂຄງການ, ປື້​ມ​ແບບ​ຮຽນ​.​.​.​ ກ່າວ​ຄຳ​ເຫັນ​ທີ່​ກອງ​ປະຊຸມ, ທ່ານ​ນາຍົກລັດຖະມົນຕີ ຫງວຽນ​ເຕີນ​ຢູ້ງ ​ເນັ້ນ​ໜັກ​ວ່າ: ການຜັນ​ຂະຫຍາຍ ​ແລະ ປະຕິບັດ 3 ບັນຫາ​ດັ່ງກ່າວ​ຈະ​ປ່ຽນ​ໃໝ່​ໂດຍ​ພື້ນຖານ, ຮອບດ້ານ​ການ​ສຶກສາ ​ແລະ ບຳລຸງ​ສ້າງ​ຕາມ​ຈິດ​ໃຈ​ມະຕິ​ຂອງ​ສູນ​ກາງ​ພັກຄັ້ງ​ທີ 8 ຊຸດ​ທີ 11. ທ່ານ​ນາຍົກລັດຖະມົນຕີ ຮຽກຮ້ອງ​ໃຫ້​ຄະນະ​ກຳມະການ​ແຫ່ງ​ຊາດ ກ່ຽວ​ກັບ​ປ່ຽນ​ໃໝ່​ການ​ສຶກສາ ​ແລະ ບຳລຸງ​ສ້າງ, ກະຊວງ​ສຶກສາ ​ແລະ ບຳລຸງ​ສ້າງ ຮັບ​ເອົາ​ບັນດາ​ຄຳ​ເຫັນ​ປະກອບ​ທີ່​ວາລະ​ປະຊຸມ ກໍ່​ຄື​ຂອງ​ບັນດາ​ນັກ​ຊ່ຽວຊານ, ນັກ​ຄຸ້ມ​ຄອງ, ນັກ​ວິທະຍາສາດ​ເພື່ອ​ສືບ​ຕໍ່​ປະຕິບັດ​ສຳ​ເລັດ​ບັນດາ​ແຜນການ, ວິທີ​ການ​ສຳຄັນ​ນີ້.