ໃນໂອກາດຕົ້ນລະດູບານໃໝ່, ງານບຸນຕ່າງໆສືບຕໍ່ດຳເນີນໄປຢູ່ຫຼາຍທ້ອງຖິ່ນໃນທົ່ວປະເທດຫວຽດນາມ. ວັນທີ 29/1 ກົງກັບວັນທີ 7 ເດືອນຈຽງໄລ່ຕາມຈັນທະປະຕິທິນ, ຢູ່ຕາແສງຮ່ຽນເລືອງ, ເມືອງຮ້າຮົວ ແຂວງຟູທໍ້ ໄດ້ຈັດພິທີຖະຫວາຍທູບທຽນຕາມຮີດຄອງປະເພນີ. ເປີດສາກໃຫ້ແກ່ງານບຸນແມ່ນພິທີທະຫວາຍແລະແຫ່ຫວໍ. ໃນງານບຸນລວມມີບັນດາການເຄື່ອນໄຫວວັດທະນະທຳ ສີລະປະ ແລະບັນດາການລະຫຼີ້ນພື້ນເມືອງຕ່າງໆ.
ຕະຫຼາດນັດວ່ຽງຍາມຕົ້ນລະດູບານໃໝ່ ຢູ່ເມືອງຫວູ້ບານ ແຂວງນາມດີ້ງໄດ້ຖືກໄຂຂຶ້ນໃນຕອນຄ່ຳຂອງວັນທີ 29/1 ກົງກັບວັນທີ 7 ເດືອນຈຽງໄລ່ຕາມຈັນທະປະຕິທິນ. ປະຊາຊົນມາຈາກບັນດາແຂວງແທງຮົວ, ນິງບີ່ງ, ຮ່າໂນ້ຍ, ຫາຍຟອງນັບໝື່ນໆຄົນໄດ້ຫລັ່ງໄຫຼກັບມາແຂວງນາມດີ້ງເພື່ອໄປທ່ຽວຊົມຕະຫຼາດວ່ຽງ. ປ້າຫງວຽນທິເທີມ ຢູ່ແຂວງນິງບີ່ງໃຫ້ຮູ້ວ່າ: “ຂ້າພະເຈົ້າໄດ້ຊື້ຂໍແຍ່ງ (ເກາະ) ແລະຈົກ ເພື່ອເຮັດນາໃຫ້ສະດວກສະບາຍ. ຊາວກະສິກອນມັກຊື້ອຸປະກອນນີ້ໃນຕົ້ນປີ ເພື່ອໃຫ້ການເຮັດນາໄດ້ຮັບໝາກຜົນດີກ່ວາ”.
ວັນທີ 30/1 ກົງກັບວັນທີ 8 ເດືອນຈຽງໄລ່ຕາມຈັນທະປະຕິທິນ, ຢູ່ແຂວງ ເທື່ອທຽນເຫ້ວກໍໄດ້ຈັດການເຄື່ອນໄຫວຕ່າງໆ, ເລີ່ມຕົ້ນແມ່ນງານບູນວິຫານ ຮ່ວຽນເຈີນປີ 2012 ຊື່ງຈະດຳເນີນ ແຕ່ວັນທີ 30/1 ຫາວັນທີ 6/2 ກົງກັບ ແຕ່ວັນທີ 8 ຫາວັນທີ 15 ເດືອນຈຽງ ປີມະໂຣງ, ຢູ່ນະຄອນເຫ້ວ. ງານບຸນວິຫານ ຮ່ວຽນເຈີນ ກໍແມ່ນໂອກາດເພື່ອໃຫ້ແຂວງ ເທື່ອທຽນເຫ້ວ ໂຄສະນາບັນດາຜະລິດຕະພັນທ່ອງທ່ຽວ ຕິດພັນກັບ Festival ເຫ້ວ 2012 ແລະເປີດສາກໃຫ້ປີທ່ອງທ່ຽວເຂດແຄມທະເລ ທາງທິດເໜືອຂອງພາກກາງເຫ້ວປີ 2012.