ຄືດັ່ງທີ່ໄດ້ໃຫ້ຂ່າວໄປແລ້ວ, ກອງປະຊຸມວົງແຄບລັດຖະມົນຕີການຕ່າງປະເທດ ອາຊຽນ ໄດ້ດຳເນີນໃນວັນທີ 11/1 ຢູ່ນະຄອນທ່ອງທ່ຽວ Siem Reap ຂອງລາຊະອານາຈັກ ກຳປູເຈຍ. ຕາມນັກຂ່າວວິທະຍຸກະຈາຍສຽງຫວຽດນາມປະຈຳ ກຳປູເຈຍແລ້ວ, ທີ່ກອງປະຊຸມຄັ້ງນີ້, ບັນດາລັດຖະມົນຕີການຕ່າງປະເທດ ອາຊຽນໄດ້ເຫັນດີເປັນເອກະສັນກັນໃນທັດສະນະຊຸກຍູ້ວິວັດການສ້າງ ປະຊາຄົມອາຊຽນກ່ວາອີກ, ແກ້ໄຂບັນດາການພິພາດກັນຢູ່ທະເລຕາເວັນອອກດ້ວຍມາດຕະການສັນຕິ, ບົນພື້ນຖານກົດໝາຍສາກົນ. ເນື້ອໃນຕົ້ນຕໍຂອງກອງປະຊຸມແມ່ນຊອກຫາທິດທາງການເຄື່ອນໄຫວໃຫ້ແກ່ອາຊຽນໃນປີ 2012 ດ້ວຍຫົວຂໍ້ວ່າ: “ອາຊຽນປະຊາຄົມຊາຕາກຳໜຶ່ງດຽວ“. ໝາກຜົນສຳຄັນຂອງກອງປະຊຸມແມ່ນ: ບັນດາລັດຖະມົນຕີການຕ່າງປະເທດພ້ອມກັນເຫັນດີເປັນເອກະສັນສຸມໃສ່ເຂົ້າໃນວິວັດທະນາການສ້າງປະຊາຄົມອາຊຽນຮອດປີ 2015 ແລະ ປະຕິບັດການຮ່ວມມືພາຍໃນກຸ່ມອາຊຽນໃນບັນດາບັນຫາໃຫຍ່ໃນພາກພື້ນ ແລະ ໃນໂລກ. ກ່ຽວກັບບັນຫາທະເລຕາເວັນອອກ, ທ່ານລັດຖະມົນຕີການຕ່າງປະເທດຫວຽດນາມ ຟ້າມບິນມິນ ຖືວ່າ:
“ອາຊຽນຕ້ອງເພີ່ມທະວີການຮ່ວມມື ແລະ ຄວາມສາມັກຄີໃນຫຼັກໝັ້ນກ່ຽວກັບບັນຫາທະເລຕາເວັນອອກ, ແກ້ໄຂບັນດາການພິພາດກັນຢູ່ທະເລຕາເວັນອອກດ້ວຍມາດຕະການສັນຕິວິທີບົນພື້ນຖານກົດໝາຍສາກົນ ແລະ ພິເສດແມ່ນຖະແຫຼງການກ່ຽວກັບການປະພຶດຂອງຝ່າຍຕ່າງໆບົນທະເລ (ຫຼື DOC) ແລະ ມຸ້ງໄປເຖິງການສ້າງລະປຽບການກ່ຽວກັບການປະພຶດຕໍ່ຢູ່ທະເລຕາເວັນອອກ (ຫຼື COC). ນອກຈາກນັ້ນ, ຫວຽດນາມກໍ່ຊີ້ແຈ້ງບັນຫາຕ້ອງຮ່ວມມືດ້ານປ້ອງກັນຄວາມສະຫງົບຄື: ກູ້ໄພກູ້ຊີບບົນທະເລ ແລະ ບັນດາການເຄື່ອນໄຫວຮ່ວມມືຕ່າງໆບົນທະເລຕາເວັນອອກເພື່ອແນໃສ່ສ້າງທະເລຕາເວັນອອກເປັນເຂດສັນຕິພາບ, ມີສະຖຽນລະພາບ ”
ກ່ຽວກັບການພົວພັນຕ່າງປະເທດ, ບັນດາລັດຖະມົນຕີການຕ່າງປະເທດອາຊຽນເຫັນດີເປັນເອກະສັນເພີ່ມທະວີການຮ່ວມມືໃນປະຊາຄົມ ອາຊຽນ ແລະ ລະຫວ່າງ ອາຊຽນກັບພາຍນອກ. ສົ່ງເສີມບັນດາປະເທດຄູ່ຮ່ວມມືເຂົ້າຮ່ວມໃນວິວັດການສ້າງສັນຕິພາບ, ສະຖຽນລະພາບໃນພາກພື້ນ.
ຕາມນັກຂ່າວວິທະຍຸກະຈາຍສຽງຫວຽດນາມປະຈຳກຳປູເຈຍ