ບັນດາຜູ້ແທນເຂົ້າຮ່ວມກອງປະຊຸມສຳມະນາ
|
(vovworld) – ກອງປະຊຸມແມ່ຍິງ 2017 ໂດຍ Forbes ຫວຽດນາມ ຈັດຕັ້ງດ້ວຍຫົວຂໍ້ວ່າ “ແມ່ຍິງເຮັດໃຫ້ໂລກດີງາມກ່ວາ”, ໄດ້ຖືກຈັດຕັ້ງໃນຕອນເຊົ້າວັນທີ 12/4, ຢູ່ນະຄອນ ໂຮ່ຈີມິນ, ເພື່ອແນໃສ່ຍ້ອງຍໍຊົມເຊີຍນ້ຳໃຈນຳພາຂອງແມ່ຍິງ ແລະ ຍົກລະດັບໃຫ້ແມ່ຍິງ ຫວຽດນາມ. ກ່າວຄຳເຫັນທີ່ພິທີໄຂກອງປະຊຸມ, ທ່ານ ຫງວຽນບ໋າວຮ່ວາງ, ປະທານບໍລິສັດສື່ສານກະທົບຕໍ່ກັນ, ຫົວໜ່ວຍຕາງໜ້າດ້ານການຄ້າຂອງ Forbes ຫວຽດນາມ, ໃຫ້ຮູ້ວ່າ ເຫດການນີ້ເພື່ອແນໃສ່ຍົກສູງຄວາມຮັບຮູ້ກ່ຽວກັບບັນດາບັນຫາສຳຄັນກ່ຽວຂ້ອງເຖິງແມ່ຍິງ, ເພີ່ມກຳລັງແຮງໃຫ້ແມ່ຍິງໃນທຸກໆຂົງເຂດ, ສ້າງແຫຼ່ງອາລົມໃນການດຳເນີນທຸລະກິດ ແລະ ຍົກສູງນ້ຳໃຈນຳພາຂອງແມ່ຍິງໃນໂລກພວມປ່ຽນແປງ. ທີ່ກອງປະຊຸມ, ບັນດາຜູ້ແທນໄດ້ສຸມໃສ່ປຶກສາຫາລືໂດຍໝູນອ້ອມບັນດາບັນຫາກ່ຽວຂ້ອງເຖິງຄວາມສະເໝີພາບລະຫວ່າງຍິງ - ຊາຍ, ຍົກລະດັບໃຫ້ແມ່ຍິງຢູ່ ຫວຽດນາມ.