ທະຫານ ອາເມລິກາ
(ພາບ: AFP/TTXVN)
(vovworld)- ໜັງສືພີມ Washington Post ສະບັບອອກ ວັນທີ 12/5 ໄດ້ຄັດຄຳເວົ້າຂອງ ບັນດາເຈົ້າໜ້າທີ່ ສະຫະລັດອາເມລິກາ ທີ່ບໍ່ເຜີຍຊື່ ໃຫ້ຮູ້ວ່າ: ທະຫານປະເທດນີ້ ໄດ້ຜັນຂະຫຍາຍບັນດາກົມກອງພິເສດ ຢູ່ ລີບີ ນັບແຕ່ທ້າຍ ປີ 2015 ແນໃສ່ກະກຽມ ໃຫ້ຄວາມສາມາດປະຕິບັດການ ບຸກໂຈມຕີ ແນໃສ່ອົງການ “ລັດອິດສະລາມ” (IS) ໂດຍຂະໜານນາມເອງ. ຕາມໜັງສືພິມດັ່ງກ່າວແລ້ວ, ສອງກົມກອງພິເສດ ຂອງສະຫະລັດອາເມລິກາ ລວມມີພົນທະຫານ 25 ຄົນ, ພວມເຄື່ອນໄຫວ ຢູ່ບັນດາຂົງເຂດອ້ອມຂາງ ນະຄອນຫຼວງ Misurata ແລະ Benghazi ເພື່ອຊອກຫາບັນດາ ສຳພັນທະມິດ ແລະ ເກັບກຳຂໍ້ມູນສືບລາຊະການລັບ ກ່ຽວກັບບັນດາການນາບຂູ່ກໍ່ການຮ້າຍ ຂອງ IS. ແລະກໍ່ຕາມໜັງສືພິມດັ່ງກ່າວ, ຖ້າຫາກສະຫະລັດອາເມລິກາ ດຳເນີນບັ້ນຮົບຕ້ານ IS ຢູ່ ລີບີ ນັ້ນ, ຂອບຂະໜາດ ຂອງມັນກໍ່ຈະນ້ອຍກວ່າບັນດາບັ້ນຮົບ ຂອງສະຫະລັດອາເມລິກາ ຢູ່ ອີຣັກ ແລະ ຊີຣີ. ໜັງສືພິມຊີ້ແຈ້ງວ່າ ທຳນຽມຫ້າແຈ ໄດ້ກຳນົດເປົ້າໝາຍບຸກໂຈມຕີນັບສີບໆຫແຫ່ງ ຖ້າຫາກສະຫະລັດອາເມລິກາ ດຳເນີນບັ້ນຮົບເປີດກວ້າງຕ້ານ IS ຢູ່ ລີບີ. ມາຮອດປັດຈຸບັນ ວໍຊິງຕັນ ຫາກໍ່ດຳເນີນການບຸກໂຈມຕີທາງອາກາດ 2 ຄັ້ງ ແນໃສ່ IS ຢູ່ປະເທດນີ້.