(vovworld) - ຮອດປີ 2015, ຈະປະຕິບັດສຳເລັດໂດຍພື້ນຖານການຊອກຫາ, ທ້ອນໂຮມ ແລະ ເຄື່ອນຍ້າຍອັດຖິນັກຮົບເສຍສະຫຼະຊິວິດຢູ່ລາວ, ຍູ້ແຮງການຊອກຫາ, ທ້ອນໂຮມອັດຖິນັກຮົບທີ່ເສຍສະຫຼະຊີວິດຢູ່ກຳປູເຈຍ. ຕາມການຊີ້ນຳຂອງລັດຖະບານ, ບັນດາກະຊວງ, ຂະແໜງການທ້ອງຖິ່ນຂອງຫວຽດນາມ ຈະສືບຕໍ່ຊາບຊືມແຜນນະໂຍບາຍ, ນະໂຍບາຍຂອງພັກ, ລັດ ກ່ຽວກັບວຽກງານຊອກຫາ, ທ້ອນໂຮມອັດຖິນັກຮົບທີ່ເສຍສະຫຼະຊີວິດໃນໄລຍະນີ້ ແລະ ໃນຊຸມປີຕໍ່ໆໄປຢ່າງເຂັ້ມງວດ. ກະຊວງປ້ອງກັນປະເທດສືບຕໍ່ປັບປຸງການຈັດຕັ້ງບັນດາຫົວໜ່ວຍສະເພາະກິດ, ບັນຈຸກຳລັງຕາມທິດກະທັດລັດ, ຈັດຕັ້ງບັນດາການເຄື່ອນໄຫວຊອກຫາ, ທ້ອນໂຮມອັດຖິນັກຮົບທີ່ເສຍສະຫຼະຊິວິດຢູ່ລາວ ແລະ ກຳປູເຈຍ ຢ່າງມີປະສິດທິຜົນ.
ຕາມທີ່ໄດ້ຮັບຊາບແລ້ວ, ພາຍຫຼັງການຊອກຫາຢູ່ລາວ ເປັນເວລາ 18 ປີ ແລະ ກຳປູເຈຍ ເປັນເວລາ 11 ປີ, ບັນດາກອງທະຫານໄດ້ຊອກຫາ, ທ້ອນໂຮມ ແລະ ຈັດສົ່ງອັດຖິກັບເມືອບ້ານເກີດເມືອງນອນ ແລະ ປົງສົບຢູ່ສຸສານຕ່າງໆພາຍໃນປະເທດດ້ວຍຈຳນວນກວ່າ 30.500 ຊຸດ.