(vovworld) - ກ່າວຄຳເຫັນໄຂ “ກອງປະຊຸມທາບທາມຄຳເຫັນກ່ຽວກັບບັນຫາປັບປຸງ, ເພີ່ມເຕີ່ມກົດໝາຍວ່າດ້ວຍຊາວໜຸ່ມ 2005” ເຊິ່ງຖືກດຳເນີນໄປໃນຕອນເຊົ້າວັນທີ 18/03, ຢູ່ຮ່າໂນ້ຍ, ທ່ານ ຫງວຽນຕ໋ຽນຢິ້ງ, ຮອງລັດຖະມົນຕີກະຊວງພາຍໃນຫວຽດນາມ ໃຫ້ຮູ້ວ່າ: ກົດໝາຍວ່າດ້ວຍຊາວໜຸ່ມ ເຊິ່ງກອງປະຊຸມສະໄໝສາມັນເທື່ອທີ 8 ສະພາແຫ່ງຊາດຫວຽດນາມ ຊຸດທີ 11 ຮັບຮອງເອົາເມື່ອວັນທີ 29/11/2005 ແລະ ມີຜົນສັກສິດເມື່ອວັນທີ 01/07/2006. ແຕ່ວ່າ, ຈາກພຶດຕິກຳຕົວຈິງໄລຍະ 7 ປີແຫ່ງການປະຕິບັດກົດໝາຍວ່າດ້ວຍຊາວໜຸ່ມ ຊີ້ໃຫ້ເຫັນວ່າ ມີບາງຂໍ້ກຳນົດຂອງກົດໝາຍດັ່ງກ່າວ ຍັງບໍ່ເໝາະສົມຕ້ອງໄດ້ຮັບການຄົ້ນຄວ້າ, ປັບປຸງ, ເພີ່ມເຕີ່ມໃຫ້ສອດຄ່ອງກັບຄວາມຮຽກຮ້ອງຕ້ອງການໃນພຶດຕິກຳຕົວຈິງຂອງການພັດທະນາຊາວໜຸ່ມຫວຽດນາມ ແລະ ການພັດທະນາຂອງປະເທດຊາດ.
ທ່ານ Arthur Erken, ຫົວໜ້າຜູ້ຕາງໜ້າກອງທຶນປະຊາກອນສະຫະປະຊາຊາດຢູ່ຫວຽດນາມ ເນັ້ນໜັກວ່າ: ໃນຊຸມປີຜ່ານມາ, ຫວຽດນາມ ໄດ້ມີບັນດາບ້ວງເງິນລົງທຶນກ້ອນໃຫຍ່ໃຫ້ໄວໜຸ່ມ. ແຕ່ວ່າ ຕ້ອງມີບັນດາບ້ອງເງິນລົງທຶນຫຼາຍກວ່າອີກ. ທ່ານ Arthur Erken ກ່າວວ່າ.
“ເພື່ອອາດຈະມີບັນດາວິທີດີທີສຸດເພື່ອໜູນຊ່ວຍໄວໜຸ່ມ ພວກເຮົາຕ້ອງມີໂຄງປະກອບ, ບັນດານະໂຍບາຍ, ໂຄງການເພື່ອພັດທະນາໜູນຊ່ວຍໄວໜຸ່ມຢ່າງຮອບດ້ານ. ເພື່ອເຮັດສິ່ງດັ່ງກ່າວໃຫ້ໄດ້, ພວກເຮົາຕ້ອງມານະພະຍາຍາມເຮັດວຽກນຳກັນ ຮ່ວມມືລະຫວ່າງຂະແໜງ, ພ້ອມກັບບັນດາການນຳໜຸ່ມສ້າງເສັ້ນທາງໃຫ້ໄວໜຸ່ມພັດທະນາ”.