(vovworld) - ຕອນ​ເຊົ້າ​ວັນ​ທີ 22/5, ຢູ່​ຮ່າ​ໂນ້ຍ, ສູນ​ກາງ​ສະມາຄົມ​ນັກຮົບ​ເກົ່າ​ຫວຽດນາມ ພ້ອມ​ກັບ​ກົມ​ໃຫຍ່​ສິ່ງ​ແວ​ດລ້ອມຫວຽດນາມ ຈັດ​ຕັ້ງ​ພິທີ​ປຸກລະດົມ “ບັ້ນ​ຂົນຂວາຍ​ຂຽນ​ບົດກ່ຽວ​ກັບ ນັກ​ຮົບ​ເກົ່າ​ຮ່ຳຮຽນ ​ແລະ ປະຕິບັດ​ຕາມ​ແບບຢ່າງ​ຄຸນສົມບັດ​ປະທານ ​ໂຮ່ຈີ​ມິນ ກັບ​ວຽກ​ງານປົກ​ປັກ​ຮັກສາ​ສິ່ງ​ແວດ​ລ້ອມ”. ທ່ານ Tran Phong, ຜູ້ອຳນວຍການ​ສູນ​ບຳລຸງ​ສ້າງ ​ແລະ ​ໂຄ​ສະນາສັງກັດ ກົມ​ໃຫຍ່​ສິ່ງ​ແວດ​ລ​້ອມ, ຮອງ​ຫົວໜ້າ​ຄະນະ​ຈັດ​ຕັ້ງ​ບັ້ນ​ຂົນຂວາຍ​ຖື​ວ່າ:

“ການປົກ​ປັກ​ຮັກສາ​ສິ່ງ​ແວດ​ລ້ອມ​ພວມ​ໄດ້​ຮັບ​ຄວາມ​ເອົາ​ໃຈ​ໃສ່​ຈາກທົ່ວ​ສັງ​ຄົມ ​ແລະ ນີ້​ແມ່ນ​ວຽກ​ງານ​ທີ່​ຮຽກຮ້ອ​ງ​ໃຫ້​ມີການ​ຮ່ວມ​ແຮງ​ຮ່ວມ​ໃຈ​ຂອງ​ທຸກໆ​ຄົນ. ບັ້ນ​ຂົນຂວາຍ​ທີ່​ມີ​ຄວາມ​ໝາຍ​ນີ້ ຈະ​ໄດ້​ຮັບ​ການຕອບ​ສະໜອງ​ສູງ​ຈາກທົ່ວ​ສັງຄົມ. ຈະ​ມີ​ບົດ​ຂຽນ​​ທີ່​ມ່ວນໆ ​ແລະ ​ເລື່ອງ​ລາວ​ສະ​ເທືອ​ນ​ໃຈ​ຫຼາຍ​ບົດ​ທີ່​ຝາກ​ມາ​ຄະນະ​ຈັດ​ຕັ້ງ. ຈາກ​ນັ້ນ, ​ເຮັດ​ໃຫ້​ທຸກໆ​ຄົນ​ມີ​ຄວາມ​ຄິດ, ມີ​ຄວາມ​ຮັບຜິດຊອບ​ໃນ​ການ​​ເຄື່ອນ​ໄຫວ​ປົກ​ປັກ​ຮັກສາ​ສິ່ງ​ແວດ​ລ້ອມ”.