(vovworld) – ຕອນ​ເຊົ້າ​ວັນ​ທີ 17/10, ຢູ່​ຮ່າ​ໂນ້ຍ, ຄະນະ​ກຳມະການ​ສູນ​ກາງ​ແນວ​ໂຮມ​ປະ​ເທດ​ຊາດ​ຫວຽດນາມ ​ໄດ້​ຈັດ​ພິທີ​ປຸກລະດົມ​ເດືອນ​ເພື່ອ​ຄົນ​ທຸກ​ຍາກ​ປີ 2014 (​ແຕ່​ວັນ​ທີ 17/10 – 18/11).

ກ່າວ​ຄຳ​ເຫັນ​ທີ່​ພິທີ​ປຸກລະດົມ, ທ່ານ​ກຳມະການ​ກົມ​ການ​ເມືອງ, ປະທານ​ຄະນະ​ກຳມະການ​ສູນ​ກາງ​ແນວ​ໂຮມ​ປະ​ເທດ​ຊາດ​ຫວຽດນາມ ຫງວຽນ​ທ້ຽນ​ເຍີນ ຖື​ວ່າ, ​ໃນ 14 ປີຜ່ານມາ, ດ້ວຍ​ຄວາມ​ໝາຍ​ດ້ານ​ກາ​ນ​ເມືອງ, ສັງຄົມ ​ແລະ ວັດທະນະທຳມະນຸດຢ່າງເລິກ​ເຊິ່ງ, ບັ້ນ​ຂົນຂວາຍ​ວັນ​ເພື່ອ​ຄົນ​ທຸກ​ຍາກ​ໄດ້​ຮັບ​ການ​ສະໜັບສະໜູນ​ຈາກ​ທຸກ​ຂັ້ນ, ທຸກຂະ​ແໜງ​ການ, ວິ​ສາ​ຫະກິດ, ປະຊາຊົນ​ທັງ​ ຢູ່​ພາຍ​ໃນ ​ແລະ ຕ່າງປະ​ເທດ ​ແລະ ໄດ້ຮັບຜົນງານ. ​ ທ່ານ ຫງວຽນ​ທ້ຽນ​ເຍີນ ຢືນຢັນ​ວ່າ.

“ໝາກຜົນ​ບັ້ນ​ຂົນຂວາຍ “ວັນ​ເພື່ອ​ຄົນ​ທຸກ​ຍາກ” ບໍ່​ພຽງ​ແຕ່​ເອົາ​ໃຈ​ໃສ່​​ເບິ່ງ​ແຍງ​​ທາງ​ດ້ານ​ວັດຖຸ​ເທົ່າ​ນັ້ນ, ຫາກ​ຍັງ​ນຳ​ມາ​ເຊິ່ງຄວາມ​ເບີດ​ບານ​ມ່ວນ​ຊື່ນ ​ແລະ ​ກາລະ​ໂອກາດ​ໃຫ້​ຄອບ​ຄົວ​ທຸກ​ຍາກ​ນັບ​ລ້ານ​ຄອບຄົວ​ຫຼຸດພົ້ນ​ອອກ​ຈາກ​ຄວາມທຸກ​ຍາກອີກ​ດ້ວຍ. ບັ້ນ​ຂົນຂວາຍ​ໄດ້​​​ເປັນ​ການເພີ່ມລັກສະ​ນະພົ້ນ​​ເດັ່ນ​ຂອງ​ລະບອບ​ສັງຄົມ​ນິຍົມ​ຢູ່​ຫວຽດນາມ, ​ເພີ່ມ​ທະວີ​ກຸ່ມ​ກ້ອມ​ມະ​ນາສາ​ມັກ​ຄີ​ທົ່ວ​ປວງ​ຊົນ​ທັງ​ຊາດ”.