ປະຈຸ​ບັນ, ມີ​ຊາວ​ຫວຽດນາມ​ອາ​ໄສ​ຢູ່​ຕ່າງປະ​ເທດ​ປະມານ 4,5 ລ້ານ​ຄົນ

(ພາບ: baomoi.com)

 (vovworld)- ຫ້ອງ​ວ່າການ​ລັດຖະບານ​ຫາ​ກໍ່​ປະກາດ​ຂໍ້​ສະຫລຸບ​ຂອງທ່ານ ນາຍົກລັດຖະມົນຕີຫວຽດນາມ ກ່ຽວ​ກັບ​ການ​ປັບປຸງ, ​ເພິ່ມ​ເຕີມກົດໝາຍ​ວ່າ​ດ້ວຍ​ສັນຊາດ​ຫວຽດນາມ ປີ 2008. ຕາມ​ນັ້ນ​ແລ້ວ, ທ່ານນາຍົກລັດຖະມົນຕີຕົກລົງ​ຕໍ່​ຂໍ້​ສະ​ເໜີ​ຂອງ​ກະຊວງ​ຍຸດຕິ​ທຳ​ວ່າ: ກ່ອນ​ອື່ນ​ໝົດ, ຈຳ​ເປັນ​ຕ້ອງ​ປັບປຸງ, ​ເພິ່ມ​ເຕີມກົດໝາຍ​ວ່າ​ດ້ວຍ​ສັນຊາດ​ຫວຽດນາມ ປີ 2008 ຕາມ​ທິດ​ຕໍ່​ກຳນົດ​ເວລາ​ຈົດ​ທະບຽນ​ຮັກສາ​ສັນຊາດ​ຫວຽດນາມ ຕື່ມ​ອີກ 5 ປີ (ຮອດ​ວັນ​ທີ 1/7/2019) ສຳລັບ​ຊາວ​ຫວຽດນາມ ອາ​ໄສ​ຢູ່ຕ່າງປະ​ເທດ​​ແຕ່​ຍັງ​ມີ​ສັນຊາດ​ຫວຽດນາມ ຢູ່. ທ່ານ ນາຍົກລັດຖະມົນຕີຫວຽດນາມ ມອບ​ໃຫ້ທ່ານ​ລັດຖະມົນຕີ​ກະຊວງ​ຍຸດຕິ​ທຳ​ເປັນ​ປະທານ, ສົມທົບ​ກັບ​ກະຊວງ​ການ​ຕ່າງປະ​ເທດ​ຮຽບຮຽງ, ຍື່ນສະ​ເໜີ​ຮ່າງ​ກົດໝາຍ​ວ່າ​ດ້ວຍການ​ປັບປຸງ, ​ເພິ່ມ​ເຕີມກົດໝາຍ​ວ່າ​ດ້ວຍ​ສັນຊາດ​ຫວຽດນາມ ຢູ່​ວາລະ​ປະຊຸມ​ລັດຖະບານ​ປະຈຳ​ເດືອນ 4/2014 ​ເພື່ອ​​ໃຫ້ລັດຖະບານ​ພິຈາລະນາ, ​ໃຫ້​ຄຳ​ເຫັນ. ພ້ອມ​ກັນນັ້ນສ້າງ​ເງື່ອນ​ໄຂ​ອຳນວຍຄວາມ​ສະດວກ​ທີ່​ສຸດ​ໃຫ້​ແກ່ຊາວ​ຫວຽດນາມ ອາ​ໄສ​ຢູ່ຕ່າງປະ​ເທດ​​​ໃນ​ການ​ຈົດ​ທະບຽນ​ຮັກສາ​ສັນຊາດ​ຫວຽດນາມ ​ແລະ ປະຕິບັດ​ບັນດາ​ວຽກ​ງານ​ອື່ນ​ທີ່​ມີ​ການ​ກ່ຽວຂ້ອງ.

  ທ່ານນາຍົກລັດຖະມົນຕີຫວຽດນາມ ມອບ​ໃຫ້​ກະຊວງ​ຍຸດຕິ​ທຳ​​ເປັນ​ປະທານ, ສົມທົບ​ກັບ​ກະຊວງ​ການ​ຕ່າງປະ​ເທດ ​ແລະ ການ​ຊວງ​ຕຳຫຼວດ ຮີບ​ເຮັ່ງ​ຈັດຕັ້ງສະຫລຸບ​ການ​ປະຕິບັດ ກົດໝາຍ​ວ່າ​ດ້ວຍສັນຊາດ​ຫວຽດນາມ ປີ 2008. ບົນ​ພື້ນຖານ​ນັ້ນ, ​ໃຫ້​ຄຳ​ປຶກສາ​ຢ່າງ​ທັນ​ການ, ສະ​ເໜີ​ຕໍ່​ລັດຖະບານ​​ເພື່ອ​ລັດຖະບານ​ຍື່ນ​ສະ​ເໜີ​ຕໍ່​ສະພາ​ແຫ່ງ​ຊາດ​ປັບປຸງ, ​ເພິ່ມ​ເຕີມກົດໝາຍ​ວ່າ​ດ້ວຍ​ສັນຊາດ​ຫວຽດນາມ ປີ 2008 ​ໃຫ້​ສອດຄ່ອງ​ກັບ​ແຜນ​ນະ​ໂຍບາຍ, ​ແນວທາງ, ນະ​ໂຍບາຍ​ຂອງ​ພັກ, ລັດທີ່​ມີ​ຕໍ່​ປະຊາ​ຄົມ​ຊາວ​ຫວຽດນາມ​ ອາ​ໄສ​ຢູ່​ຕ່າງປະ​ເທດ, ສອດຄ່ອງ​ກັບ​ລັດຖະທຳ​ມະນູນ​ປີ 2013, ​ເຄົາລົບ​ສິດ​ເລືອກ​ເຟັ້ນຂອງ ຊາວ​ຫວຽດນາມ​ ອາ​ໄສ​ຢູ່​ຕ່າງປະ​ເທດທີ່​ຍັງ​ມີ​ສັນຊາດ​ຫວຽດນາມ ​ຕາມ​ການ​ກຳນົດ​ຂອງ​ກົດໝາຍ​ຫວຽດນາມ./.