ທ່ານຮອງລັດຖະມົນຕີກະຊວງຖະແຫຼງຂ່າວ ແລະ ສື່ສານ ຫງວຽນແທງຮຶງ (ພາບອິນເຕີແນັດ)

ໃນການໂອ້ລົມສົນທະນາ, ບັນດານັກຊ່ຽວຊານ, ວິສາຫະກິດໄດ້ປະກອບຄຳເຫັນຕີລາຄາຢ່າງຮອບດ້ານ, ຫລາຍສົ້ນກ່ຽວກັບກົດໝາຍວ່າດ້ວຍເຕັກໂນໂລຊີຂໍ້ມູນຂ່າວສານໃນ 10 ປີຜ່ານມາ ແລະ ປຶກສາຫາລືກ່ຽວກັບການກຳນົດທິດພັດທະນາໃນອະນາຄົດ. ຕາມທ່ານຮອງລັດຖະມົນຕີກະຊວງຖະແຫຼງຂ່າວ ແລະ ສື່ສານ ຫງວຽນແທງຮຶງ ແລ້ວ, ພາຍຫລັງຜັນຂະຫຍາຍການປະຕິບັດກົດໝາຍວ່າດ້ວຍເຕັກໂນໂລຊີຂໍ້ມູນຂ່າວສານມາເປັນເວລາ 10 ປີ, ການພັດທະນາຂອງ ຫວຽດນາມ ແລະ ຂະແໜງເຕັກໂນໂລຊີຂໍ້ມູນຂ່າວສານ ໄດ້ມີການປ່ຽນແປງຫລາຍຢ່າງ. ຜູ້ອຳນວຍການໃຫຍ່ກຸ່ມບໍລິສັດ FPT ທ່ານ ບູຍກວາງງອັກ ສະເໜີວ່າ: ເພື່ອຊຸກຍູ້ຂະແໜງອຸດສາຫະກຳເຕັກໂນໂລຊີຂໍ້ມູນຂ່າວສານໃນການພັດທະນາຕ້ອງສ້າງໄດ້ “ຄວາມຕ້ອງການຈາກພາກລັດ” ໃຫ້ການພັດທະນາກ່ຽວກັບຄອມພິວເຕີ, ຫລັງຈາກນັ້ນຈຶ່ງຮອດນະໂຍບາຍຊຸກຍູ້ອື່ນໆ. ຕາມທ່ານ ບູຍກວາງງອັກ ແລ້ວ, ຈຸດໝາຍລະດົມແຫຼ່ງກຳລັງສັງຄົມ ເພື່ອພັດທະນາຂະແໜງເຕັກໂນໂລຊີຂໍ້ມູນຂ່າວສານ ກໍ່ຕ້ອງມີນະໂຍບາຍຊຸກຍູ້. ປະຈຸບັນ, ເລື່ອງນຳໃຊ້ລະບົບສ່ວຍສາອາກອນ ແລະ ພາສີແບບເອເລັກໂຕນິກ ພວມຜັນຂະຫຍາຍໄດ້ດີ ໃນໄລຍະຈະມາເຖິງ, ລັດຄວນມີລະບຽບການຊຸກຍູ້ການຫັນເປັນເອເລັກໂຕນິກຕື່ມອີກ ເພື່ອສ້າງແຫຼ່ງສະໜອງໃຫ້ຂະແໜງເຕັກໂນໂລຊີຂໍ້ມູນຂ່າວສານ.