ສະພາບກອງປະຊຸມ
(ພາບ: baoquangninh.com.vn )
(vovworld)- ເພື່ອໃຫ້ການເຄື່ອນໄຫວຂອງສະພາແຫ່ງຊາດນັບມື້ນັບມີປະຊາທິປະໄຕ, ແທດຈິງ ແລະ ມີປະສິດທິຜົນ, ຮຽກຮ້ອງໃຫ້ສະພາແຫ່ງຊາດຕ້ອງມີການປ່ຽນໃໝ່ຫຼາຍຢ່າງກ່ຽວກັບວິທີການເຄື່ອນໄຫວ ແລະ ໂຄງປະກອບການຈັດຕັ້ງ. ນີ້ແມ່ນເນື້ອໃນກອງປະຊຸມຮັບເອົາຄຳເຫັນປະກອບໃສ່ “ແຜນຮ່າງສືບຕໍ່ປ່ຽນໃໝ່ບັນດາອົງການຂອງສະພາແຫ່ງຊາດ“ ໂດຍຄະນະປະຈຳສະພາແຫ່ງຊາດຈັດຂຶ້ນໃນວັນທີ 16/10 ຢູ່ນະຄອນຮ້າລອງ ແຂວງກວາງນິງ. ນະທີ່ນີ້, ທ່ານນາງຕ່ອງທິຟອງ, ກຳມະການກົມການເມືອງ, ຮອງປະທານສະພາແຫ່ງຊາດ ເນັ້ນໜັກວ່າ:
“ພວກເຮົາຕ້ອງເພິ່ມຈຳນວນ ສສຊ ສະເພາະກິດຢ່າງເໝາະສົມເປັນເທື່ອລະກ້າວ ບົນພື້ນຖານຮັບປະກັນລັກສະນະຕາງໜ້າ ແຕ່ຕ້ອງຄົ້ນຄ້ວາກ່ຽວກັບການຍົກສູງມາດຖານສະເພາະກິດ. ຢູ່ສະພາຊົນເຜົ່າ ແລະ ບັນດາກຳມາທິການຂອງສະພາແຫ່ງຊາດ, ບັນດາ ສສຊ ຕ້ອງມີຄຸນນະທາດ, ລະດັບວິຊາສະເພາະສູງ, ແມ່ນຜູ້ຊ່ຽວຊານເຂົ້າໃຈຂົງເຂດຕ່າງໆຢ່າງເລິກເຊິ່ງ. ຕ້ອງສືບຕໍ່ປ່ຽນໃໝ່ບັນດາຂັ້ນຕອນ ແລະ ຍົກສູງຄຸນະພາບສ້າງກົດໝາຍ, ຂັ້ນຕອນຕິດຕາມກວດກາໃນການເຄື່ອນໄຫວ, ບັນດາຄຳຕັດສິນກ່ຽວຂ້ອງເຖິງບັນດາບັນຫາສຳຄັນຂອງປະເທດຊາດ“.