ປະຕິກິລິຍາຂອງຫວຽດນາມ ຕໍ່ເລື່ອງອາເມລິກາ ຈັດວາງພາສີຕ້ານການຂາຍບຸບລາຄາສຳລັບວິສາຫະກິດສົ່ງອອກກຸ້ງຫວຽດນາມ
(ໂຄສົກກະຊວງການຕ່າງປະເທດຫວຽດນາມ ເລຫາຍບິ່ງ)
(vovworld) – ວັນທີ 27/09, ເມື່ອຕອບຕຳຖາມຂອງນັກຂ່າວກ່ຽວກັບປະຕິກິລະຍາຂອງຫວຽດນາມ ຕໍ່ເລື່ອງອາເມລິກາ ຈັດວາງພາສີຕ້ານຂາຍບຸບລາຄາສຳລັບບັນດາວິສາຫະກິດສົ່ງອອກກຸ້ງຂອງຫວຽດນາມ, ໂຄສົກກະຊວງການຕ່າງປະເທດຫວຽດນາມ ເລຫາຍບິ່ງ ຊີ້ແຈ້ງວ່າ.
“ເລື່ອງກະຊວງການຄ້າອາເມລິກາ ຈັດວາງພາສີຕ້ານຂາຍບຸບລາຄາສຳລັບບັນດາວິສາຫະກິດສົ່ງອອກກຸ້ງຂອງຫວຽດນາມ ແມ່ນບໍ່ມີຄວາມຍຸຕິທຳ, ໄປຝືນກັບຄວາມເສລີດ້ານການຄ້າ ກໍ່ຄືການພົວພັນດ້ານເສດຖະກິດ, ການຄ້າທີ່ພວມພັດທະນາຢ່າງດີງາມລະຫວ່າງ 2 ປະເທດ, ບໍ່ເໝາະສົມກັບການພົວພັນຄູ່ຮ່ວມມືຮອບດ້ານລະຫວ່າງຫວຽດນາມ - ອາເມລິກາ
ພວກຂ້າພະເຈົ້າຢືນຢັນວ່າ ບັນດາບໍລິສັດຂອງຫວຽດນາມ ບໍ່ຂາຍບຸບລາຄາຜະລິດຕະພັນກຸ້ງເຂົ້າຕະຫຼາດອາເມລິກາ, ບໍ່ກໍ່ຄວາມເສຍຫາຍ ແລະ ນາບຂູ່ກໍ່ຄວາມເສຍຫາຍດ້ານວັດຖຸໃຫ້ແກ່ຂະແໜງອຸດສາຫະກຳກຸ້ງ ອາເມລິກາ.
ພວກຂ້າພະເຈົ້າຖືວ່າ, ບັນດາການເຄື່ອນໄຫວດ້ານການຄ້າລະຫວ່າງ 2 ປະເທດ ຕ້ອງໄດ້ຮັບການພິຈາລະນາຢ່າງພາວະວິໄສ, ຍຸຕິທຳ, ເພື່ອແນໃສ່ປົກປ້ອງສິດເປັນທຳຂອງຜູ້ລ້ຽງ, ປູກ, ຜະລິດ, ປຸ່ງແຕ່ງ ແລະ ສົ່ງອອກກຸ້ງຂອງຫວຽດນາມ ກໍ່ຄືຜົນສະໂຫຍດຂອງຜູ້ບໍລິໂພກ ແລະ ບັນດາວິສາຫະກິດນຳເຂົ້າ, ແຈກຢາຍກຸ້ງອາເມລິກາ”.