(vovworld) - ວັນທີ 21/11, ຢູ່ ນະຄອນ Vung Tau ແຂວງ Ba Ria -Vung Tau, ໄດ້ດຳເນີນກອງປະຊຸມສຳມະນາພາຍໃຕ້ຫົວຂໍ້ວ່າ: “ປະຕິບັດຄວາມຮັບຜິດຊອບຕໍ່ສັງຄົມຂອງວິສາຫະກິດມຸ່ງໄປເຖິງການພັດທະນາແບບຍືນຍົງ”. ນີ້ແມ່ນສ່ວນຫນຶ່ງໃນໂຄງການຫນູນຊ່ວຍບັນດາວິສາຫະກິດ ຂະຫນາດກາງ ແລະ ນ້ອຍ ຫວຽດນາມ ຍົກສູງຄວາມຮັບຮູ້ ແລະ ປະຕິບັດຄວາມຮັບຜິດຊອບຕໍ່ສັງຄົມ (CSR) ເພື່ອເພີ່ມທະວີການຮ່ວມສຳພັນດ້ວຍລະບົບສະຫນອງທົ່ວໂລກໃນການຜະລິດແບບຍືນຍົງ ໂດຍສະຫະພາບເອີລົບ ອຸປະຖຳ. ທີ່ກອງປະຊຸມສຳມະນາ, ການນຳບັນດາວິສາຫະກິດ ແລະ ຜູ້ຊ່ຽວຊານຂອງໂຄງການ ພ້ອມກັນຊອກຮູ້, ແລກປ່ຽນບັນດາບັນຫາກ່ຽວກັບ ການປະຕິບັດຄວາມຮັບຜິດຊອບຕໍ່ສັງຄົມ ແລະ ຄວາມຮັບຜິດຊອບຂອງວິສາຫະກິດປະຈຸບັນ, ນຳໃຊ້ປັດໃຈມູນເຊື້ອ ແລະ ວັດທະນະທຳໃນການປະດິດສ້າງ ປ່ຽນໃຫມ່ຜະລິດຕະພັນ ແລະ ສ້າງວຽກເຮັດງານທຳ.