ການປະຊຸມຂ່າວນັດສາມັນຂອງ ລັດຖະບານ
ພາບ:doisongphapluat
|
(vovworld)- ນີ້ແມ່ນຄຳຢືນຢັນຂອງທ່ານ ຫງວຽນຄັກດີ້ງ, ຮອງຫົວຫນ້າຫ້ອງວ່າການລັດຖະບານ ທີ່ການປະຊຸມຂ່າວນັດສາມັນຂອງ ລັດຖະບານ ໃນຕອນບ່າຍວັນທີ 29/2. ເມື່ອແຈ້ງສະພາບການເສດຖະກິດ ສັງຄົມ ໃນໄລຍະ 2 ເດືອນຕົ້ນປີ, ທ່ານຮອງຫົວຫນ້າຫ້ອງວ່າການລັດຖະບານ ໃຫ້ຮູ້ວ່າ: ບັນດາກະຊວງ, ຂະແຫນງການ, ທ້ອງຖິ່ນຕ່າງໆ ແລະ ລະບົບການເມືອງ ໄດ້ຜັນຂະຫຍາຍມະຕິຂອງສະພາແຫ່ງຊາດຢ່າງຮີບເຮັ່ງ. ລັດຖະບານ ໄດ້ປະຕິບັດໂຄງການ, ແຜນການຢ່າງຄົບຊຸດ, ເບິ່ງແຍງດູແລ ຊີວິດການເປັນຢູ່ຂອງປະຊາຊົນ, ຮັບປະກັນຊີວິດສັງຄົມ ແລະ ການພັດທະນາເສດຖະກິດສັງຄົມ.
“ສະພາບການໃນ 2 ເດືອນຜ່ານມາ ມີການຫັນປ່ຽນໃນທຸກຂົງເຂດ. ເສດຖະກິດມະຫາພາກເປັນປົກກະຕິ, ດັດຊະນີລາຄາໃຊ້ສອຍເພີ່ມຂຶ້ນເລັກນ້ອຍ, ການສົ່ງອອກເພີ່ມຂຶ້ນ. ການສົ່ງອອກເກີນດຸ່ນ ກວ່າ 860 ລ້ານ USD. ລາຍຮັບງົບປະມານເພີ່ມຂຶ້ນຢ່າງແຮງເມື່ອທຽບໃສ່ໄລຍະດຽວກັນຂອງປີກາຍ. ຂົງເຂດອຸດສາຫະກຳ, ກະສິກຳ, ການບໍລິການລ້ວນແຕ່ບັນລຸລະດັບເຕີບໂຕສູງພໍສົມຄວນ. ແຂກທ່ອງທ່ຽວຕ່າງປະເທດມາຢ້ຽມຢາມຫວຽດນາມ ໃນ 2 ເດືອນຕົ້ນປີ ເພີ່ມຂື້ນກວ່າ 16%.”
ກ່ຽວກັບຫນ້າທີ່ໃນໄລຍະຈະມາເຖິງ, ຕາມທ່ານ ຫງວຽນຄັກດີ້ງ ແລ້ວ, ການຄ້າທົ່ວໂລກໄດ້ຮັບການຄາດຄະເນວ່າຈະຫລຸດລົງ, ສ້າງກຳລັງດັນຢ່າງແຮງຕໍ່ວິສາຫະກິດຫວຽດນາມ. ສິ່ງດັ່ງກ່າວຮຽກຮ້ອງທຸກຂັ້ນ, ຂະແຫນງການຕ່າງໆ ຕ້ອງຕິດຕາມ, ໄຈ້ແຍກສະພາບການລະອຽດ, ພະຍາຍາມຍາດເອົາທ່າເປັນເຈົ້າການເພື່ອຫັນສິ່ງທ້າທາຍເປັນກາລະໂອກາດ. ນອກນັ້ນ ຄວນສຸມໃສ່ແກ້ໄຂຜົນຮ້າຍຈາກໄພທຳມະຊາດ, ໄພແຫ້ງແລ້ງຢູ່ພາກກາງ ແລະ ເຂດໄຕງວຽນ.