(vovworld) – ​ວັນ​ທີ 19/6, ຄະ​ນະ​ຜູ້​ແທນ​ພັກ​ກອມ​ມູ​ນິດ ຫວຽດ​ນາມ ສິ້ນ​ສຸດ​ການ​ຢ້ຽມ​ຢາມ ກູ​ບາ ແລະ ເດີນ​ທາງ​ກັບ​ເມືອ​ປະ​ເທດ. ກ່ອນ​ໜ້ານັ້ນ, ທ່າ​ນ​ເລ​ຂາ​ຜູ້​ທີ​ໜຶ່ງ​ພັກ​ກອມ​ມູ​ນິດ, ປະ​ທານ​ສະ​ພາ​ແຫ່ງ​ລັດ ແລະ ສະ​ພາ​ລັດ​ຖະ​ມົນ​ຕີ ກູ​ບາ Raul Castro ຕ້ອນ​ຮັບ​ຄະ​ນະ​ຜູ້​ແທນ​ພັກ​ກອມ​ມູ​ນິດ ຫວຽດ​ນາມ ໂດຍ​ທ່ານ ຟ້າມກວາງງີ້, ເລ​ຂາ​ຄະ​ນະ​ພັກ​ນະ​ຄອນ ຮ່າ​ໂນ້ຍ ນຳ​ໜ້າ. ທີ່​ການ​ຕ້ອນ​ຮັບ, ທ່ານ​ປະ​ທານ Raul Castro ຢັ້ງ​ຢືນ​ຢາ​ກ​ເພີ່ມ​ທະ​ວີ​ການ​ແລກ​ປ່ຽນ​ບົດ​ຮຽນ​ໃນຫຼາຍ​ດ້ານ, ຍູ້​ແຮງ​ການ​ຮ່ວມ​ມື​ດ້ານ​ເສດ​ຖະ​ກິດ - ສັງ​ຄົມ 2 ຝ່າຍ ແລະ ແລກ​ປ່ຽນ​​ບາງ​ບັນ​ຫາ​ສາ​ກົນ​ທີ່​ຕ່າງ​ຝ່າຍ​ຕ່າງ​ມີ​ຄວາມ​ສົນ​ໃຈ.

        ທ່ານ ຟ້າມກວາງງີ້ ຢັ້ງ​ຢືນ​ນ້ຳ​ໃຈ​ສະ​ເໝີ​ຕົ້ນ​ສະ​ເໝີ​ປາຍ​ຂອງ​ປະ​ຊາ​ຊົນ ຫວຽດ​ນາມ ສຳ​ລັບ ປະ​ຊາ​ຊົນ ກູ​ບາ ອ​້າຍ​ນ້ອງ, ກໍ່​ຄື​​ຕັດ​ສິນ​ໃຈ​ນຳ​ການ​ພົວ​ພັນ 2 ປະ​ເທດ​ນັບ​ມື້​ນັບ​ພັດ​ທະ​ນາ​ກ້າວ​ເຂົ້າ​ສູ່​ລວງ​ເລິກ.