ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ພົບປະ ກັບຜູ້ມີສິດເລືອກຕັ້ງ
ທ່ານ ຫງວຽນທ້ຽນເຍິນ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ
ພົບປະກັບຜູ້ມີສິດເລືອກຕັ້ງເມືອງລຸກນາມ
(ພາບ: TTXVN) (vovworld) – ວັນທີ 7/12 ທ່ານ ຫງວຽນທ້ຽນເຍິນ, ກຳມະການກົມການເມືອງ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ແລະ ບັນດາສະມາຊິກສະພາແຫ່ງຊາດຊຸດທີ 13 ແຂວງບັກຢາງ, ໄດ້ມີການພົບປະກັບຜູ້ມີສິດເລືອກຕັ້ງເມືອງລຸກນາມ, ແຂວງບັກຢາງ. ນະທີ່ນີ້, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ຮັບເອົາຄຳເຫັນປະກອບ ແລະ ແກ້ໄຂບັນດາບັນຫາ ເຊິ່ງຜູ້ມີສິດເລືອກຕັ້ງແຂວງບັກຢາງ ສົນໃຈ. ກ່ຽວຂ້ອງເຖິງບັນຫາບຳລຸງສ້າງ, ວຽກເຮັດງານທຳ, ທ່ານ ຫງວຽນທ້ຽນເຍິນ ໃຫ້ຮູ້ວ່າ, ນັບແຕ່ປີ 2008, ຂະແໜງສຶກສາ ແລະ ບຳລຸງສ້າງໄດ້ຜັນຂະຫາຍການປະຕິບັດແຜນນະໂຍບາຍບຳລຸງສ້າງຕິດພັນກັບຄວາມຕ້ອງການຂອງສັງຄົມ ແລະ ແກ້ໄຂວຽກເຮັດງານທຳໃຫ້ນັກຮຽນ, ນັກສຶກສາພາຍຫຼັງຮຽນຈົບ. ກ່ຽວກັບລະບອບ, ນະໂຍບາຍສຳລັບຜູ້ມີຄຸນງາມຄວາມດີ, ທ່ານ ຫງວຽນທ້ຽນເຍິນ, ໃຫ້ຮູ້ວ່າ, ໃນ 2 ປີ ຕໍ່ໜ້າຈະກວດກາຄືນການປະຕິບັດລະບອບ, ນະໂຍບາຍສຳລັບຜູ້ມີຄຸນງາມຄວາມດີຕໍ່ປະເທດຊາດ. ນອກນັ້ນ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ກໍ່ໄດ້ຮັບຮູ້, ຕອບຄຳຖາມຂອງຜູ້ມີສິດເລືອກຕັ້ງແຂວງບັກຢາງ ກ່ຽວກັບບັນຫາເພີ່ມທະວີການຄຸ້ມຄອງຄຸນນະພາບແນວພັນປູກ ແລະ ສັດລ້ຽງ, ອຸປະກອນກະສີກຳ, ຢາປົກປ້ອງພືດ...