(vovworld) – ຕອນບ່າຍວັນທີ 3/4, ຢູ່ຮ່າໂນ້ຍ, ທ່ານປະທານປະເທດຫວຽດນາມ Truong Tan Sang ໄດ້ໃຫ້ການຕ້ອນຮັບທ່ານ ຫຼີຈີເຂິ່ງ , ເຈົ້າແຂວງແຂວງຢຸນໜາມ ປະເທດຈີນ ພວມຢ້ຽມຢາມ ແລະ ເຮັດວຽກຢູ່ຫວຽດນາມ. ທີ່ການຕ້ອນຮັບ, ທ່ານປະທານປະເທດ Truong Tan Sang ຫວັງວ່າ: ແຂວງຢຸນໜາມຈະສືບຕໍຍູ້ແຮງການຮ່ວມມື 2 ຝ່າຍກັບບັນດາແຂວງເຂດຊາຍແດນ ຜ່ານນັ້ນເພີ່ມທະວີສາຍພົວພັນມິດຕະພາບລະຫວ່າງຫວຽດນາມ - ຈີນ. ທ່ານປະທານປະເທດ ຢືນຢັນ ເລື່ອງແລກປ່ຽນຈັດຕັ້ງງານຕະຫຼາດນັດການຄ້າເປັນປະຈຳລະຫວ່າງ 2 ຝ່າຍ ແມ່ນມາດຕະການຊຸກຍູ້ການພົວພັນການຄ້າຢ່າງມີປະສິດທິຜົນ. ພິເສດ, ເລື່ອງຜັນຂະຫຍາຍກໍ່ສ້າງເສັ້ນທາງຄວາມໄວສູງຫວຽດນາມ - ຄຸນໝິງ ສຳເລັດຈະສ້າງເງື່ອນໄຂສຳຄັນຍົກສູງວົງເງິນການຄ້າລະຫວ່າງ 2 ຝ່າຍຂຶ້ນເຖິງ 1 ຕື້ USD. ທ່ານປະທານປະເທດ ສະແດງຄວາມຫວັງວ່າ: ແຂວງຢຸນໜາມຈະລົງທຶນຢ່າງແຮງເຂົ້າຫວຽດນາມໃນບັນດາຂົງເຂດເຕັກໂນໂລຢີສູງ. ດ້ວຍບົດຮຽນຂອງຕົນ, ແຂວງຢຸນໜາມ ຈະປະຕິບັດໄດ້ຮູບແບບໂຄງການສ້າງກຳລັງໜູນລົງທຶນໃໝ່. ໄປຄຽງຄູ່ກັບການຍູ້ແຮງການພົວພັນເສດຖະກິດ - ການຄ້າ, ທ່ານປະທານປະເທດ ສະເໜີໃຫ້ການນຳແຂວງ ຢຸນໜາມແລກປ່ຽນຄະນະຜູ້ແທນກັບຫວຽດນາມ ເປັນປະຈຳ ເພື່ອຍົກສູງນ້ຳໃຈມິດຕະພາບລະຫວ່າງ 2 ປະເທດ. ທ່ານປະທານປະເທດ ອວຍພອນການຢ້ຽມຢາມຫວຽດນາມ ຂອງເຈົ້າແຂວງແຂວງ ຢຸນໜາມປະສົບຜົນສຳເລັດຢ່າງຈົບງາມ ແລະ ເຊື່ອໝັ້ນວ່າ: ດ້ວຍການຮ່ວມມືຢ່າງດີງາມການພົວພັນລະຫວ່າງແຂວງ ຢຸນໜາມ ແລະ ຫວຽດນາມ ຈະສືບຕໍ່ມີບາດກ້າວພັດທະນາໃນໄລຍະຈະມາເຖິງແຂງແຮງກ່ວາອີກ.
ແລະກໍໃນຕອນບ່າຍວັນດຽວກັນ, ລັດຖະມົນຕີຊ່ວຍວ່າການກະຊວງການຕ່າງປະເທດ Nguyen Phuong Nga ໄດ້ໃຫ້ການຕ້ອນຮັບເຈົ້າແຂວງແຂວງ ຢຸນໜາມ ທ່ານ ຫຼີຈີເຂິ່ງ ແລະ ສະມາຊິກໃນຄະນະຢ່າງສະໜິດສະໜົມ.