(vovworld) – ຕາມສຳນັກຂ່າວສານຊິນຮວາ ແລ້ວ, ຕອນບ່າຍວັນທີ 14/05, ທ່ານປະທານປະເທດຈີນ ສື່ຈີ້ນພິງ ໄດ້ມີການພົບປະກັບທ່ານນາຍົກລັດຖະມົນຕີອິນເດຍ Narendra Modi ຢູ່ນະຄອນ ຊີອານ ເມືອງເອກ ສານຊີ, ປະເທດຈີນ. ທີ່ການພົບປະ, ທ່ານປະທານປະເທດ ສື່ຈີ້ນພິງ ຊີ້ແຈ້ງການພົວພັນລະຫວ່າງຈີນ - ອິນເດຍ ພວມຢູ່ໃນໄລຍະພັດທະນາຢ່າງໝັ້ນຄົງ ແລະ ມີແງ່ຫວັງຮ່ວມມືຢ່າງໃຫຍ່ຫຼວງ. ທ່ານສະແດງຄວາມປາດຖະໜາວ່າ, 2 ປະເທດສາມາດມີຄວາມໄວ້ເນື້ອເຊື່ອໃຈເຊິ່ງກັນ ແລະ ກັນກວ່າອີກ ແລະ ພະຍາຍາມແກ້ໄຂບັນດາການຂັດແຍ້ງກັນເພື່ອຫຼີກລ້ຽງບໍ່ໃຫ້ການພົວພັນ 2 ຝ່າຍອ່ອນເພຍລົງ. ສ່ວນທ່ານນາຍົກລັດຖະມົນຕີ Narendra Modi ໃຫ້ຮູ້ວ່າ, ອີນເດຍ ພ້ອມແລ້ວທີ່ຈະຮ່ວມມືກັບຈີນ ຢ່າງແໜ້ນແຟ້ນ, ເພີ່ມທະວີງານພົບປະແລກປ່ຽນວັດທະນະທຳ, ຊຸກຍູ້ດ້ານການຄ້າ 2 ຝ່າຍ ແລະ ແກ້ໄຂບັນດາການຂັດແຍ້ງກັນຢ່າງສົມເຫດສົມຜົນ.
ທ່ານ ສື່ຈີ້ນພິງ ເນັ້ນໜັກພ້ອມແລ້ວທີ່ຈະເພີ່ມທະວີການຮ່ວມມືກັບທຸກປະເທດໃນພາກພື້ນນີ້ ກໍ່ຄືຊຸກຍູ້ສັນຕິພາບ, ສະຖຽນລະພາບ ແລະ ວັດຖະນາຖາວອນຂອງພາກພື້ນ. ທ່ານ Narendra Modi ຊີແຈ້ງວ່າ: ອີນເດຍ ເອົາໃຈໃສ່ເຖິງການພົວພັນໃນພາກພື້ນ ແລະ ພ້ອມແລ້ວທີ່ຈະຮ່ວມມືກັບຈີນ ເພື່ອຊຸກຍູ້ການພັດທະນາຂອງພາກພື້ນ.