(ພາບປະກອບ)
(vovworld)-ວັນທີ 10/1, ທ່ານປະທານປະເທດຫວຽດນາມ ເຈືອງເຕີນຊາງ ແລະ ຄະນະປະຕິບັດງານສູນກາງໄດ້ໄປຢ້ຽມຢາມ ແລະ ກວດກາສະພາບການຮັບປະກັນການປ້ອງກັນຊາດປ້ອງກັນຄວາມສະຫງົບໃນເຂດຊາຍແດນແຂວງລ້າງເຊີນ.
ທ່ານປະທານປະເທດຫວຽດນາມ ເຈືອງເຕີນຊາງ ໄດ້ໄປຢ້ຽມຢາມ ແລະ ເຮັດວຽກກັບປ້ອມປ້ອງກັນຊາຍແດນ ຈີມາ ແລະ ກຸ່ມເສດຖະກິດປ້ອງກັນຊາດ 338 ຊື່ງແມ່ນບັນດາກົມກອງໄດ້ຮັບມອບໝາຍໜ້າທີ່ຄຸ້ມຄອງ, ຮັກສາເສັ້ນຊາຍແດນທີ່ມີລວງຍາວ 15,6 ກມ ແລະ ພັດທະນາເສດຖະກິດ, ຮັບປະກັນການປ້ອງກັນຊາດປ້ອງກັນຄວາມສະຫງົບໃນບໍລິເວນ ຕາແສງຊາຍແດນ 9 ແຫ່ງຂອງເມືອງ ໂລກບິງ. ນະການເຮັດວຽກ, ທ່ານປະທານປະເທດຫວຽດນາມ ເຈືອງເຕີນຊາງ ເນັ້ນໜັກວ່າ: ໂດຍແມ່ນກົມກອງຕັ້ງທັບຢູ່ບໍລິເວນຍຸດທະສາດ ແລະ ປະສົບກັບຄວາມຫຍຸ້ງຍາດຫຼາຍຢ່າງ, ພະນັກງານ, ນັກຮົບບັນດາກົມກອງຕ້ອງເສີມຂະຫຍາຍນ້ຳໃຈສາມັກຄີເພື່ອສ້າງກົມກອງໝັ້ນຄົງເຂັ້ມແຂງຮອບດ້ານ, ເປັນເຈົ້າການສົມທົບກັບບັນດາກຳລັງມີ່ໜ້າທີ່ຮັບຜິດຊອບ ປະຕິບັດໜ້າທີ່ປົກປັກຮັກສາອະທິປະໄຕ ຄວາມສະຫງົບປອດໄພເຂດຊານແດນເປັນຢ່າງດີ.
ໃນວັນດຽວກັນ, ທ່ານປະທານປະເທດຫວຽດນາມ ເຈືອງເຕີນຊາງ ແລະ ຄະນະປະຕິບັດງານໄດ້ໄປຢ້ຽມຢາມຕາແສງກາວເລົາ, ເມືອງກາວໂລກ ຊື່ງແມ່ນຕາແສງທີ່ມີເສັ້ນຊາຍແດນທີ່ມີລວງຍາວ 13 ກມ ຕິດກັບຈີນ.
ໃນໂອກາດໄປຢ້ຽມຢາມ ແລະ ກວດກາເຂດຊາຍແດນ ແລະ ກົງກັບໂອກາດບຸນປີໃໝ່ປະຈຳຊາດ, ປີມະເມັຍ 2014 ໃກ້ຈະມາຮອດ, ທ່ານປະທານປະເທດຫວຽດນາມ ເຈືອງເຕີນຊາງ ພ້ອມກັບສະພາກາແດງຫວຽດນາມ ມອບຂອງຂວັນ 300 ພູດ ແລະ ຜ້າຫົ່ມ 200 ຜືນໃຫ້ ປຊຊ ທຸກຍາກແຂວງລ້າງເຊີນ ແລະ ໄປຢ້ຽມຢາມຄອບຄົວນະໂຍບາຍຈຳນວນໜຶ່ງ./.