ປະທານປະເທດເຈີນດ້າຍກວາງຢ້ຽມຢາມກອງພັນໃຫຍ່ກອງທັບອາກາດ925
(ທ່ານປະທານປະເທດເຈີນດ້າຍກວາງ
ຢ້ຽມຢາມກອງພັນໃຫຍ່ກອງທັບອາກາດ 925)
(vovworld) - ຕອນເຊົ້າວັນທີ 26/06, ທ່ານປະທານປະເທດ ເຈີນດ້າຍກວາງ ໄດ້ໄປຢ້ຽມຢາມກອງພັນໃຫຍ່ກອງທັບອາກາດ 925, ທີ່ຕັ້ງທັບຢູ່ເມືອງ ຟຸ່ກ໋າດ, ແຂວງ ບິ່ງດິ້ງ. ກ່າວຄຳເຫັນຢູ່ທີ່ນີ້, ທ່ານປະທານປະເທດ ຖືວ່າ, ໃນໄລຍະຈະມາເຖິງ, ສະພາບການໃນໂລກ ແລະ ພາກພື້ນສືບຕໍ່ມີບັນດາການຜັນແປທີ່ສັບສົນ, ຍາກທີ່ຄາດຄະເນໄວກ່ອນໄດ້. ຄຽງຂ້າງບັນດາກາລະໂອກາດ, ຄວາມສະດວກ, ປະເທດເຮົາພວມຢືນຢູ່ຕໍ່ໜ້າບັນດາຄວາມຫຍຸ້ງຍາກ, ສິ່ງທ້າທາຍ. ເພາະສະນັ້ນ, ໜ້າທີ່ປົກປັກຮັກສາປະເທດຊາດໃນສະພາບການໃໝ່ ພວມວາງອອກບັນດາຄວາມຮຽກຮ້ອງໃໝ່, ຮຽກຮ້ອງໃຫ້ກຳລັງກອງທັບອາກາດເວົ້າລວມ ແລະ ກອງພັນໃຫຍ່ກອງທັບອາກາດ 925 ເວົ້າສະເພາະ ຕ້ອງໄດ້ກະກຽມທຸກສິ່ງທຸກຢ່າງໃຫ້ເປັນຢ່າງດີິ, ກ່ຽມພ້ອມການສູ້ຮົບ, ປົກປັກຮັກສາອະທິປະໄຕຂອງປະເທດຊາດໃນບໍ່ວ່າສະພາບການໃດຢ່າງຄົບຖ້ວນ…
“ກອງພັນໃຫຍ່ຕ້ອງຊາບຊຶມສະພາບການ, ໜ້າທີ່ປະຕິວັດໃນໄລຍະໃໝ່ຢ່າງເລິກເຊິ່ງ ເປັນພື້ນຖານເພື່ອກຳນົດທິດທາງ, ກຳນົດເປົ້າໝາຍ, ເນື້ອໃນການຝຶກຊ້ອມ ແລະ ກໍ່ສ້າງກົມກອງ… ຄົ້ນຄວ້າ, ນຳໃຊ້ບັນດາຜົນງານດ້ານວິທະຍາສາດ, ເຕັກໂນໂລຊີທີ່ທັນສະໄໝເທື່ອລະກ້າວເຂົ້າໃນວຽກງານຝຶກຊ້ອມຢ່າງມີປະສິດທິຜົນ. ຄຸ້ມຄອງ, ນຳໃຊ້ອາວຸດປະເພດຕ່າງໆ, ອຸປະກອນເຕັກນິກທີ່ທັນສະໄໝ ແລະ ບັນດາອາວຸດອື່ນໆ, ພາຫະນະໃໝ່ຢ່າງມີປະສິດທິຜົນ.”