(vovworld) – ວັນທີ 22/02, ທ່ານປະທານປະເທດ ເຈືອງເຕີນຊາງ ໄດ້ລົງຢ້ຽມຢາມ ແລະ ເຮັດວຽກຢູ່ແຂວງ ກວາງຫງ້າຍ. ພາຍຫຼັງໄປຮອດເມືອງເກາະ ລິ໋ເຊີນ, ທ່ານປະທານປະເທດ ເຈືອງເຕີນຊາງ ໄດ້ໄປຖະຫວາຍທູບທຽນຢູ່ ເອີມລິງຕື້, ໄດ້ຮັບການກໍ່ສ້າງກ່ອນນີ້ 300 ປີ, ເຊິ່ງແມ່ນບ່ອນບູຊາບັນດານັກຮົບຮ່ວາງຊາ. ຢູ່ຕາແສງ ອານຫາຍ, ທ່ານປະທານປະເທດ ໄດ້ຮັບຟັງການນຳຕາແສງລາຍງານສະພາບການເສດຖະກິດສັງຄົມ. ເນັ້ນໜັກເຖິງທີ່ຕັ້ງຍຸດທະສາດສຳຄັນຂອງລິ໋ເຊີນ, ທ່ານປະທານປະເທດ ສະເໜີໃຫ້ອຳນາດການປົກຄອງປະຕິບັດວຽກງານວາງແຜນຜັງເປັນຢ່າງດີ, ຊ່ວຍໃຫ້ລິ໋ເຊີນ ໃນອະນາຄົນບໍ່ພຽງແຕ່ໃຫ້ສວຍງາມເທົ່ານັ້ນ ຫາກຍັງສ້າງຄວາມຮັ່ງມີອີກດ້ວຍ.
ເມື່ອມາຢ້ຽມຢາມ ແລະ ໂອ້ລົມກັບຊາວກະສິກອນ, ທ່ານປະທານປະເທດ ໄດ້ແບ່ງປັນບັນດາຄວາມຫຍຸ້ງຍາກຂອງພໍ່ແມ່ປະຊາຊົນ ເມື່ອໄພທຳມະຊາດປີນີ້ໄດ້ສົ່ງຜົນສະທ້ອນເຖິງລະດູການເກັບກ່ຽວ ຫຼຸດຜ່ອນສະມັດຕະພາບຜົນລະປູກ. ທ່ານປະທານປະເທດ ສະເໜີໃຫ້ແຂວງ ກວາງຫງ້າຍ ແລະ ກະຊວງກະສິກຳ ແລະ ພັດທະນາຊົນນະບົດ, ນອກຈາກການເສີມຂະຫຍາຍທ່າແຮງກ່ຽວກັບຕົ້ນໄມ້ແລ້ວ ກໍ່ຕ້ອງຄົ້ນຄວ້າ, ເພີ່ມເຕີມຕົ້ນໄມ້, ສັດລ້ຽງ, ກໍ່ສ້າງລະບົບພື້ນຖານໂຄງລ່າງຮັບໃຊ້ການຜະລິດກະສິກຳ.