ປະທານປະເທດເຈືອງເຕີນຊາງລົງຢ້ຽມຢາມແລະເຮັດວຽກຢູ່ແຂວງດັກນົງ
ທ່ານປະທານປະເທດ ເຈືອງເຕີນຊາງ ລົງຢ້ຽມຢາມບັນດານັກຮົບກອງພັນນ້ອຍຝຶກອົບຮົມເຄື່ອນທີ່
(ພາບ: baomoi.com)
(vovworld) - ເມື່ອລົງຢ້ຽມຢາມປະຊາຊົນຕາແສງ ດຶກມິງ, ເມືອງ ດັກມິນ ໃນວັນທີ 30/12, ທ່ານປະທານປະເທດ ເຈືອງເຕີນຊາງ ໄດ້ຍ້ອງຍໍຊົມເຊີຍຕາແສງບັນລຸໄດ້ 13 ໃນຈຳນວນ 19 ມາດຖານຊົນນະບົດໃໝ່. ທ່ານປະທານປະເທດ ເຈືອງເຕີນຊາງ ສະເໜີໃຫ້ພໍ່ແມ່ປະຊາຊົນໃນຕາແສງສືບຕໍ່ຮ່ວມແຮງຮ່ວມໃຈກໍ່ສ້າງຊົນນະບົດໃໝ່.
ແລະກໍ່ໃນວັນດຽວກັນ, ທ່ານປະທານປະເທດ ເຈືອງເຕີນຊາງ ລົງຢ້ຽມຢາມບັນດານັກຮົບກອງພັນນ້ອຍຝຶກອົບຮົມເຄື່ອນທີ່, ທະຫານປ້ອງກັນຊາຍແດນແຂວງ ດັກນົງ. ນະທີ່ນີ້, ທ່ານປະທານປະເທດ ໄດ້ຕັກເຕືອນພະນັກງານ, ນັກຮົບຫົວໜ່ວຍຝຶກຝົນຫຼໍ່ຫຼອມຄຸນນະທາດດ້ານການເມືອງ, ປະຕິບັດກົດລະບຽບ, ຍົກສູງຄຸນນະພາບການຝຶກອົບຮົມ ແລະ ຄວາມສາມາດກຽມພ້ອມສູ້ຮົບເປັນປະຈຳເພື່ອກາຍເປັນກຳລັງຫຼວງ, ທັນສະໄໝເທື່ອລະກ້າວ, ຕອບສະໜອງຄວາມຮຽກຮ້ອງຕ້ອງການຂອງໜ້າທີ່ໃນໄລຍະໃໝ່.
ແລະກໍ່ໃນວັນດຽວກັນ, ຢູ່ບ້ານ ຢັງປໄລ 2, ຕາແສງ ເຈື່ອງຊວນ, ເມືອງ ດັກຊອງ, ທ່ານປະທານປະເທດ ເຈືອງເຕີນຊາງ ໄດ້ປຸກລະດົມປະຊາຊົນປະຕິບັດແບບວິທີກະເສດສູມເພີ່ມສະມັດຕະພາບ, ນຳໃຊ້ວິທະຍາສາດໃນການຜະລິດເພື່ອຍົກສູງສະມັດຕະພາບຜົນລະປູກ, ສັດລ້ຽງ. ທ່ານປະທານປະເທດ ຮຽກຮ້ອງໃຫ້ອຳນາດການປົກຄອງທຸກຂັ້ນໃນແຂວງ ດັກນົງ ແລະ ເມືອງ ດັກຊອງ ຈຶ່ງເອົາໃຈໃສ່ບັນດາຂໍ້ສະເໜີຂອງປະຊາຊົນເພື່ອມີມາດຕະການແກ້ໄຂຢ່າງມີປະສິດທິຜົນ.