(ທ່ານປະທານປະເທດ ເຈືອງເຕິ໋ນຊາງ
ຕັດແຖບແພເປີດສະຫຼອງອະນຸສາວະລີນັກຮົບ ນາມກີ່ ລຸກຮື້ຂຶ້ນ)
(vovworld) - ຕອນເຊົ້າວັນທີ 21/11, ເມື່ອເຂົ້າຮ່ວມການເຄື່ອນໄຫວຕ່າງໆສະເຫຼີມສະຫຼອງ 75 ປີ ແຫ່ງວັນນາມກີ່ (ພາກໃຕ້) ລຸກຮຶື້ຂຶ້ນ (23/11/1940-23/11/2015) ຢູ່ເມືອງ ດຶກຮ່ວາ, ແຂວງລອງອານ. ທ່ານປະທານປະເທດ ເຈືອງເຕິ໋ນຊາງ ພ້ອມກັບບັນດາຜູ້ແທນໄດ້ຕັດແຖບແພເປີດສະຫຼອງອະນຸສາວະລີນັກຮົບ ນາມກີ່ ລຸກຮື້ຂຶ້ນ. ກ່າວຄວາມເຫັນນະພິທີ, ທ່ານປະທານປະເທດ ເຈືອງເຕິ໋ນຊາງ ຢືນຢັນວ່າ:
“ການລຸກຮຶື້ຂຶ້ນຢູ່ນາມກີ່ ແມ່ນການສືບທອດ ແລະ ເສີມຂະຫຍາຍມູນເຊື້ອຮັກຊາດ, ຄວາມອົງອາດກ້າຫານ, ປະຫວັດສາດອັນສະຫງ່າລາສີຂອງຊາດຫວຽດນາມໃນຍຸກປະຈຸບັນ. ການເສຍສະຫຼະຊີວິດຢ່າງອົງອາດຂອງປະຊາຊົນ, ນັກຮົບໃນການລຸກຮຶື້ຂຶ້ນຢູ່ນາມກີ່ ໄດ້ປະກອບສ່ວນສ້າງພື້ນຖານ, ປະຖົມປັດໃຈ ເພື່ອໃຫ້ປະຊາຊົນຫວຽດນາມ ກ້າວຂຶ້ນຍາດເອົາໄຊຊະນະອັນສະຫງ່າລາສີໃນການປະຕິວັດເດືອນສິງຫາ ປີ 1945; ປະກອບສ່ວນຄູນສ້າງຄວາມອາດຫານ, ເຈດຈຳນົງກ້າແກ່ນໃຫ້ພັກເຮົາ, ປະຊາຊົນເຮົາ ໃນການຕໍ່ຕ້ານຍາວນານໃນໄລຍະ 30 ປີ, ປະຕິບັດສຳເລັດພາລະກິດປົດປ່ອຍຊາດ, ທ້ອນໂຮມປະເທດຊາດເປັນເອກະພາບ ດ້ວຍໄຊຊະນະຂອງບັ້ນຮົບ ໂຮ່ຈີມິນ ປະຫວັດສາດປີ 1975“.
ແລະກໍ່ໃນຕອນເຊົ້າວັນທີ 21/11, ຄະນະຈັດຕັ້ງວັນບຸນໃຫຍ່ນະຄອນ ໂຮ່ຈີມິນ ກໍ່ຈັດຕັ້ງພິທີສະເຫຼີມສະຫຼອງ 75 ປີ ແຫ່ງວັນ ນາມກີ່ ລຸກຮື້ຂຶ້ນຢູ່ເຂດອະນຸສອນສະຖານນັກຮົບທີ່ເສຍສະຫຼະຊີວິດເພື່ອຊາດໃນເມືອງ ຮອກມົນ, ນະຄອນໂຮ່ຈີມິນ.