ປະທານປະເທດເຈືອງເຕີນຊາງເປັນປະທານກອງປະຊຸມປະຕິຮູບດ້ານຕຸລາການ
(ພາບ: Nguyễn Khang/TTXVN)
(vovworld) – ຕອນເຊົ້າວັນທີ 9/11, ຢູ່ ຮ່າໂນ້ຍ, ໂດຍພາຍໃຕ້ການເປັນປະທານຂອງທ່ານປະທານປະເທດ ເຈືອງເຕີນຊາງ, ຫົວໜ້າຄະນະຊີ້ນຳການປະຕິຮູບດ້ານຕຸລາການສູນກາງ, ວາລະປະຊຸມຄັ້ງທີ 11 ຂອງຄະນະຊີ້ນຳປະຕິຮູບຕຸລາການສູນກາງໄດ້ປຶກສາຫາລື, ປະກອບຄຳເຫັນກ່ຽວກັບແຜນຮ່າງປະຕິບັດການຄຸ້ມຄອງວຽກງານປະຕິບັດຄຳຕັດສິນຂອງສານ ແລະ ແຜນຮ່າງຈັດຕັ້ງລະບົບອົງການສືບສວນຕາມທິດກະທັດລັດ. ກ່າວຄຳເຫັນທີ່ວາລະປະຊຸມ, ທ່ານປະທານປະເທດ ເຈືອງເຕີນຊາງ ຢັ້ງຢືນວ່າ: ໃນໄລຍະຜ່ານມາວຽກງານປະຕິບັດຄຳຕັດສິນຂອງສານມີການຫັນປ່ຽນຫຼາຍຢ່າງທີ່ຕັ້ງໜ້າດ້ວຍຄວາມເອົາໃຈໃສ່, ຊີ້ນຳ, ນຳພາຂອງຄະນະພັກ, ອົງການຈັດຕັ້ງພັກຂັ້ນຕ່າງໆໃນບັນດາອົງການຕຸລາການຢູ່ຂັ້ນສູນກາງ ແລະ ທ້ອງຖິ່ນ. ທ່ານປະທານປະເທດຕີລາຄາສູງບັນດາເນື້ອໃນຮ່າງເອກະສານທີ່ບັນດາບົດລາຍງານຂອງຄະນະປະຈຳຄະນະຊີ້ນຳ ພ້ອມກັບບັນດາຄຳເຫັນປະກອບຂອງສະມາຊິກທຸກຄົນທີ່ວາລະປະຊຸມເພື່ອແນໃສ່ຍົກສູງການເຄື່ອນໄຫວປະຕິບັດຄຳຕັດສິນຂອງສານຢ່າງມີປະສິດທິຜົນ.