ທ່ານປະທານາທິບໍດີ ລັດເຊຍ Vladimir Putin

ຕອບຄຳຖາມຢ່າງຄົບຖ້ວນ ແລະ ເລິກເຊິ່ງໂດຍຜ່ານຄຳຖາມ 70 ຂໍ້ໃນຕະຫລອດເວລາ 3 ຊົ່ວໂມງ 56 ນາທີ ທີ່ການພົບປະແລກປ່ຽນກັບປະຊາຊົນ ລັດເຊຍ ຜ່ານທາງເຄືອຂ່າຍອິນເຕີແນັດ ຖືກດຳເນີນໃນວັນທີ 15 ມິຖຸນາ ຢູ່ມົດສະກູ. ຄຳຢືນຢັນຂອງທ່ານປະທານາທິບໍດີ Putin  ກ່ຽວກັບຂົງເຂດເສດຖະກິດໄດ້ຮັບຄວາມສົນໃຈທີ່ສຸດ. ທ່ານປະທານາທິບໍດີ ລັດເຊຍ ຢືນຢັນວ່າ ພື້ນຖານເສດຖະກິດ ລັດເຊຍ ໄດ້ຂ້າມຜ່ານໄລຍະຊຸດໂຊມ ແລະ ກ້າວເຂົ້າສູ່ໄລຍະເຕີບໂຕດ້ວຍສັນຍານຕັ້ງໜ້າຫລາຍຢ່າງ. ບັນດາບັນຫາສັງຄົມໄດ້ເຕື້ອງເຖິງໃນຫລາຍຄຳຖາມກັບການນຳປະເທດຊາດ. ວິວັດທະນາການປະຕິບັດບັນດາໂຄງການເຮືອນຢູ່, ເງິນອຸດໜູນແກ່ການເກີດລູກ, ການມອບດິນປູກຝັງ, ການປົກປັກຮັກສາສິ່ງແວດລ້ອມ…ລ້ວນແຕ່ໄດ້ຮັບການອະພິປາຍລະອຽດ ແລະ ຈະແຈ້ງຈາກທ່ານ Putin.

        ກ່ຽວກັບການພົວພັນຕ່າງປະເທດ, ຕາມທ່ານ Putin ແລ້ວ,  ການພົວພັນເຄັ່ງຕຶງລະຫວ່າງ ລັດເຊຍ - ອາເມລິກາ ໄດ້ມີຄຳຕອບ ເມື່ອສະພາບການປັດເປົ່າລັດເຊຍ ນັບມື້ນັບເພີ່ມຂຶ້ນ ຍ້ອນຜົນຮ້າຍຢ້ອນຫລັງຈາກພື້ນຖານດ້ານການເມືອງພາຍໃນ ອາເມລິກາ ຜັນແປຢ່າງສັບສົນ. ເຖິງຢ່າງໃດກໍ່ຕາມ, ການນຳ ລັດເຊຍ ຢືນຢັນວ່າ ມົດສະກູ ບໍ່ຖື ອາເມລິກາ ເປັນສັດຕູ ແລະ ຍາມໃດກໍ່ຖືເປັນສຳຄັນເລືີ່ອງຫັນການພົວພັນກັບ ວໍຊິງຕັນ ເປັນປົດກະຕິ.