ປະທານາທິບໍດີ ອາເມລິກາກ່າວເຕືອນກ່ຽວກັບຜົນຮ້າຍຢ້ອນຫຼັງຖ້າຫາກວ່າ ຈີນຖືກສືບສວນແມ່ນມີຄວາມຮັບຜິດຊອບກ່ຽວກັບໂລກລະບາດ Covid – 19
(VOVWORLD) -ປະທານາທິບໍດີ ອາເມລິກາ Donald Trump ໄດ້ກ່າວເຕືອນຈີນວ່າ ປະເທດນີ້ຕ້ອງປະເຊີນໜ້າກັບຜົນຮ້າຍຢ້ອນຫຼັງຖ້າຫາກວ່າ ປະເທດນີ້ຖືກສືບສວນແມ່ນມີຄວາມຮັບຜິດຊອບກ່ຽວກັບ Covid – 19 ເຊິ່ງໄດ້ເຮັດໃຫ້ຊາວອາເມລິກາຫຼາຍກ່ວາ 38.000 ຄົນເສຍຊີວິດ
 ທ່ານປະທານາທິບໍດີ ອາເມລິກາ Donald Trump (ພາບ: AP) |
ກ່າວຄຳເຫັນທີ່ກອງປະຊຸມຖະແຫຼງຂ່າວປະຈຳວັນຂອງ ກຸ່ມສະເພາະກິດຕ້ານໂລກລະບາດ Covid – 19 ຂອງທຳນຽບຂາວໃນວັນທີ 18 ເມສາ, ທ່ານປະທານາທິບໍດີ Donald Trumpໄດ້ຖະແຫຼງວ່າ: “ຈົ່ງສັງເກດບັນດາການສືບສວນຂອງເຂົາເຈົ້າໄດ້ດຳເນີນຄືແນວໃດ, ແຕ່ອາເມລິກາກໍ່ພວມດຳເນີນການສືບສວນຢູ່”.
ກ່ຽວຂ້ອງເຖິງເຫດການດັ່ງກ່າວຍັງມີຂ່າວໃຫ້ຮູ້ວ່າ ມີສະມາຊິກສະພາແຫ່ງຊາດບາງທ່ານສັງກັດພັກສາທາລະນະ ຂອງ ອາເມລິກາຖືວ່າ ເຊື້ອໄວຣັດໄດ້ຖືກປ່ອຍຕົວຈາກຫ້ອງທົດລອງໃນບັນດາກິດຈະກຳທົດລອງຂອງຈີນ,ພ້ອມກັນນັ້ນກໍ່ໄດ້ສະເໜີຮ່າງກົດໝາຍສະບັບໜຶ່ງວ່າດ້ວຍການອະນຸຍາດໃຫ້ຊາວອາເມລິກາຮ້ອງຟ້ອງຈີນກ່ຽວກັບບັນດາຄວາມເສຍຫາຍຍ້ອນໂລກລະບາດກໍ່ຂຶ້ນ.