ທ່ານປະທານາທິບໍດີ ຟີລິບປິນ Rodrigo Duterte
|
(vovworld) - ຕອນຄຳ່ວັນທີ 18/10, ປະທານາທິບໍດີ ຟີລິບປິນ Rodrigo Duterte ໄດ້ເດີນທາງໄປ ປັກກິງ ເລີ່ມຕົ້ນການຢ້ຽມຢາມ ຈີນ ເປັນເວລາ 4 ວັນ. ກ່າວຄວາມເຫັນຕໍ່ວົງການນັກຂ່າວ, ກ່ອນທີ່ທ່ານ Duterte ມາຢ້ຽມຢາມ ຈີນ, ທ່ານລັດຖະມົນຕີການຕ່າງປະເທດ ຈີນ ຫວາງອິ້ ເນັ້ນໜັກວ່າ, ນີ້ແມ່ນການຢ້ຽມຢາມທີ່ມີລັກສະນະປະຫວັດສາດ, ແລະຈະກາຍເປັນຈຸດເລີ່ມຕົ້ນ ເພື່ອໃຫ້ການພົວພັນດ້ານການທູດສອງຝ່າຍກັບຄືນສູ່ການເຈລະຈາ. ການຢ້ຽມຢາມຂອງປະທານາທິບໍດີ ຟີລິບປິນ ດຳເນີນໄປໃນສະພາບທີ່ສາຍພົວພັນລະຫວ່າງ ຈີນ - ຟີລິບປິນ ຊົ່ວຮ້າຍລົງ, ພາຍຫຼັງ ເຫດຮ້ອງຟ້ອງລະຫວ່າງ ຟີລິບປິນ ແລະ ຈີນ ທີ່ກ່ຽວຂ້ອງເຖິງການຂັດແຍ້ງກັນບົນທະເລ.
ຕາມແຜນການແລ້ວ, ປະທານາທິບໍດີ Duterte ຈະມີການພົບປະກັບທ່ານປະທານປະເທດ ຈີນ ສືຈິນຜິງ, ທ່ານນາຍົກລັດຖະມົນຕີ ຈີນຫຼີເຄີຊຽງ ແລະ ທ່ານປະທານສະພາແຫ່ງຊາດ ຈີນ ຈາງຕີຈຽງ. ກ່າວຄວາມເຫັນກ່ອນການຢ້ຽມຢາມ ຈີນ, ປະທານາທິບໍດີ Duterte ໃຫ້ຮູ້ວ່າ, ທ່ານຄາດວ່າຈະແລກປ່ຽນທັດສະນະກ່ຽວກັບບັນຫາປັບປຸງການພົວພັນສອງຝ່າຍ, ຊຸກຍູ້ດ້ານການຄ້າ ແລະ ການລົງທຶນ, ກຳນົດບັນດາຂົງເຂດຮ່ວມມືລະຫວ່າງສອງປະເທດ.