​​(vovworld) - ທ່ານ​ປະທານາທິບໍດີ​ອີຣານ Hassan Rouhani, ວັນ​ທີ 23/07, ​ໄດ້ຢືນຢັນ​ວ່າ, ຂໍ້​ຕົກລົງ​ນິວ​ເຄຼຍປະຫວັດສາດ ທີ່ຫາ​ກໍ​ບັນລຸ​ໄດ້​ລະຫວ່າງ​ເຕ​ເຣຣານ ກັບ ກຸ່ມ P5+1 (​ເຊິ່ງລວມມີ​ອັງກິດ, ຝລັ່ງ, ລັ​ດ​ເຊຍ, ຈີນ, ອາ​ເມ​ລິ​ກາ ​ແລະ ​ເຢຍລະ​ມັນ) ​ເມື່ອ​ວັນ​ທີ 14/07 ​ແມ່ນ “ມີ​ຄຸນຄ່າ​​​ເໜືອ​ກວ່າ” ການ​ໂຕ້​ຖຽນກັນຂອງ​ນັກ​ການ​ເມືອງ​ປະ​ເທດ​ນີ້ ກ່ຽວ​ກັບລາຍ​ລະອຽດ​ໃນ​ຂໍ້​ຕົກລົງ​ດັ່ງກ່າວ.  ກ່າວ​ຄຳ​ເຫັນ​ທີ່​ກອງ​ປະຊຸມ​ໜຶ່ງ​ຢູ່​ເຕ​ເຣຣານ, ທ່ານ​ປະທານາທິບໍດີ Rouhani ຢືນຢັນ​ວ່າ, ຂໍ້​ຕົກ​ລົງ​ນິວ​ເຄຼຍ ​ໄດ້​ສ່​ອງ​ແສງ​ໃຫ້​ເຫັນ​​ເຈດ​ຈຳນົງ​ແຫ່ງ​ຊາດ ​ແລະ ການສະ​ກັດ​ກັ້ນ​ຂໍ້​ຕົກລົງ​ດັ່ງກ່າວ​ແມ່ນ​ໄປ​ຝືນ​ກັບຄວາມ​ມຸ່ງ​ມາດ​ປາດ​ຖະໜາ​ຂອງ​ປະຊາຊົນ ​ເມື່ອ​ປ່​ອນບັດ​ເລື່ອງ​ຕັ້ງ​ໃຫ້​ທ່ານ ​ໃນ​ການ​ເລື່ອ​ກຕັ້ງ​ປະທານາທິບໍດີ​ເມື່​ອປີ 2013. ຕາມ​ທ່ານ​​ແລ້ວ, ຂໍ້​ຕົກລົງ​ນິວ​ເຄຼຍ​ໃໝ່​ແມ່ນ “ຂີດ​ໝາຍ​ໃໝ່​ໃນປະຫວັດສາດ​ໜຶ່ງ” ​ລະຫວ່າງ​ອີຣານ ​ແລະ ຝ່າຍ​ຕາ​ເວັນ​ຕົກ.