(vovworld) – ວັນທີ 28/09, ໃນຂອບເຂດກອງປະຊຸມຄັ້ງທີ 70 ຂອງສະມັດຊາໃຫຍ່ສະຫະປະຊາຊາດ, ຖືກດຳເນີນໄປຢູ່ນິວຢອກ, ປະເທດອາເມລິກາ, ປະທານາທິບໍດີອາເມລິກາ Barack Obama ໄດ້ມີບົກ່າວປາໄສຕໍ່ວົງການການນຳປະເທດຕ່າງໆ, ໃນນັ້ນໄດ້ເຕື້ອງເຖິງຫຼາຍບັນຫາສຳຄັນໃນໂລກ. ໃນບົດກ່າວປາໄສຂອງຕົນ, ປະທານາທິບໍດີ Barack Obama ໄດ້ຍົກໃຫ້ເຫັນໄພທີ່ວ່າ ບັນດາສະມາຊິກຂອງສະຫະປະຊາຊາດ ຈະຖືກປະລາໄຊໃນເລື່ອງພ້ອມກັນຮ່ວມມືແກ້ໄຂບັນດາບັນຫາສາກົນ. ທ່ານຖືວ່າ, ພາຍຫຼັງ 7 ທົດສະວັດແຫ່ງການສ້າງຕັ້ງ, ວຽກງານຂອງສະຫະປະຊາຊາດຍັງບໍ່ທັນປະຕິບັດສຳເລັດເທື່ອ, ພ້ອມທັງກ່າວເຕື່ອນວ່າ “ຄວາມອັນຕະລາຍ ພວມຍູ້ໃຫ້ໂລກກັບຄືນສູ່ສະພາບມືດມົວ ແລະ ວຸ້ນວາຍກວ່າ”.
ກ່ຽວກັບບັນຫາກຸຍບາ, ປະທານາທິບໍດີອາເມລິກາ ຮຽກຮ້ອງຢຸດຕິຄຳສັ່ງຂວ້ຳບາດຂອງ ວໍຊິງຕັນ ແນໃສ່ ລາຮາວານ ທີ່ແກ່ຍາວເປັນຫຼາຍທົດສະວັດຜ່ານມາ. ທ່ານສະແດງຄວາມເຊື່ອໝັ້ນວ່າ, ສະພາແຫ່ງຊາດອາເມລິກາ “ແນ່ນອນວ່າຈະຍົກເລີກຄຳສັ່ງຂວ້ຳບາດທີ່ບໍ່ຄວນແກ່ຍາວຕື່ມອີກ”.