(vovworld) - ໃນຂອບເຂດກອງປະຊຸມຄະນະກຳມະການປະສານງານເຂດສາມຫຼ່ຽມພັດທະນາກຳປູເຈຍ - ລາວ - ຫວຽດນາມ ຄັ້ງທີ 8, ເຊິ່ງຈັດຂຶ້ນໃນຕອນເຊົ້າວັນທີ 6/12, ຢູ່ແຂວງກອນຕູມ ໄດ້ດຳເນີນບັນດາກອງປະຊຸມອານຸກຳມະການປ້ອງກັນຄວາມສະຫງົບ, ການຕ່າງປະເທດ, ເສດຖະກິດ, ສິ່ງແວດລ້ອມ, ສັງຄົມ ແລະ ປະສານງານຂັ້ນທ້ອງຖິ່ນ. ທີ່ກອງປະຊຸມ, 3 ປະເທດໄດ້ຮັບຮອງເອົາບົດບັນທຶກໂດຍເຫັນດີເປັນເອກະພາບບັນດາທິດທາງ, ມາດຕະການຄວນໄດ້ຮັບບຸລິມະສິດເພື່ອຜັນຂະຫຍາຍ ຍູ້ແຮງການຮ່ວມມືປ້ອງກັນຄວາມສະຫງົບ - ການຕ່າງປະເທດໃນເຂດ 3 ຫຼຽມພັດທະນາໄລຍະຈະມາເຖິງ. ໃນນັ້ນໄດ້ເນັ້ນໜັກເຖິງຄວາມຈຳເປັນຕ້ອງສືບຕໍ່ນຳໃຊ້ໂທລະສັບສາຍດ່ວນຢູ່ທຸກຂັ້ນໃນໄລຍະຈະມາເຖິງຢ່າງມີປະສິດທິຜົນ, ພິເສດແມ່ນຢູ່ຂັ້ນທ້ອງຖິ່ນ, ພ້ອມທັງເນັ້ນໜັກເຖິງຄວາມສຳຄັນຂອງການເພີ່ມທະວີການຮ່ວມມືແກ້ໄຂບັນດາບັນຫາ, ປ້ອງກັນຊາດປ້ອງກັນຄວາມສະຫງົບ ພິເສດແມ່ນບັນດາບັນຫາລະເມີດຜືນແຜ່ນດິນຢ່າງຜິດກົດໝາຍ, ການຄ້າມະນຸດ ແລະ ຢາເສບຕິດ.