ປ່ຽນໃໝ່ການສອບເສັງຕ້ອງຮັບປະກັນການຕີລາຄາຄວາມສາມາດຂອງນັກຮຽນຢ່າງຮອບດ້ານ
ທ່ານຮອງນາຍົກລັດຖະມົນຕີ ຫວູດຶກດາມ ກ່າວຄຳເຫັນທີ່ກອງປະຊຸມ
(ພາບ: Phạm Thịnh)
(vovworld) – ວັນທີ 13/2, ຢູ່ ຮ່າໂນ້ຍ, ກະຊວງສຶກສາ ແລະ ບຳລຸງສ້າງ ຫວຽດນາມ ໄດ້ຈັດຕັ້ງກອງປະຊຸມຊາບຊຶມ ແລະ ຜັນຂະຫຍາຍມະຕິກ່ຽວກັບການປ່ຽນໃໝ່ພື້ນຖານ, ຮອບດ້ານການສຶກສາ ແລະ ບຳລຸງສ້າງ, ວຽກງານສອບເສັງ ແລະ ເສັງຄັດເລືອກນັກຮຽນປີ 2014. ບັນດາການປັບປຸງວິທີສອບເສັງຂອງປີ 2014 ແລະ ຊຸມປີຕໍ່ໄປ ແມ່ນບັນຫາຮ້ອນເຮັ່ງທີ່ໄດ້ຮັບຄວາມສົນໃຈປຶກສາຫາລືຈາກບັນດາຜູ້ແທນ.
ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ ຫວູດຶກດາມ ຮັບຮູ້ເລື່ອງກະຊວງສຶກສາ ແລະ ບຳລຸງສ້າງກຳນົດປ່ຽນໃໝ່ຂອດສອບເສັງ ແມ່ນຖືກຕ້ອງ. ແຕ່ເຖິງຢ່າງໃດກໍ່ຕາມ, ເລື່ອງປ່ຽນໃໝ່ໃນຂອດສອບເສັງຕ້ອງມີ ວິວັດທະນາການເໝາະສົມ, ຮັບປະກັນລັກສະນະຍຸຕິທຳໃນສັງຄົມ.
“ພວກເຮົາຕ້ອງຄິດໄລ່ຊັ່ງຊາເພື່ອໃຫ້ປ່ຽນໃໝ່ການສອບເສັງຄືບາດກ້າວບຸກທະລຸ ເພື່ອປ່ຽນໃໝ່ພື້ນຖານ, ຮອບດ້ານຈາກຫຼັກສູດ, ປື້ມຕຳລາຮຽນ ຕະຫຼອດຮອດວິທີສິດສອນ. ແຕ່ຕ້ອງຄິດໄລ່ຄືແນວໃດເພື່ອໃຫ້ເປັນປົກກະຕິພໍສົມຄວນ”