(vovworld) - ຕອນເຊົ້າວັນທີ 11/8, ຢູ່ທີ່ຮ່າໂນ້ຍ, ໄດ້ດຳເນີນກອງປະຊຸມສຳມະນາວິທະຍາສາດ “ປ່ຽນໃໝ່ໂດຍພື້ນຖານ ແລະ ຮອບດ້ານການສຶກສາຫວຽດນາມ ໃນສະພາບການເຕັກໂນໂລຊີຂໍມູນນຂ່າວສານ”. ຜ່ານ 25 ປີແຫ່ງການປ່ຽນໃໝ່, ພື້ນຖານການສຶກສາຫວຽດນາມ ຍາດໄດ້ບັນດາຜົນງານທີ່ສຳຄັນ, ຫັນຈາກພື້ນຖານສຶກສາດ້ວຍຈຳນວນຄົນໄປຮຽນໜ້ອຍ ໄປຍັງພື້ນຖານການສຶກສາມົງຊົນ. ແຕ່ວ່າ, ການສຶກສາຂອງຫວຽດນາມ ຍັງມີຄວາມຈຳກັດຫຼາຍຢ່າງກ່ຽວກັບຄຸນນະພາບດ້ານການສຶກສາບໍ່ທັນບັນລຸໄດ້ຄວາມຮຽກຮ້ອງຕ້ອງການໃນການພັດທະນາຂອງປະເທດຊາດ. ເພາະສະນັ້ນ, ກອງປະຊຸມໃຫຍ່ຄັ້ງທີ 11 ຂອງພັກ ໄດ້ວາງແຜນການປ່ຽນໃໝ່ໂດຍພື້ນຖານ ແລະ ຮອບດ້ານການສຶກສາຫວຽດນາມ.
ປຶກສາຫາລືທີ່ກອງປະຊຸມສຳມະນາ, ບັນດາຜູ້ແທນລ້ວນແຕ່ໄດ້ຖືວ່າ, ການປ່ຽນໃໝ່ໂດຍພື້ນຖານ ແລະ ຮອບດ້ານການສຶກສາຫວຽດນາມ ຈຳເປັນຕ້ອງປ່ຽນໃໝ່ສະຕິຄວາມຮັບຮູ້ດ້ານສຶກສາບຳລຸງສ້າງ ແລະ ຍົກສູງຄວາມສາມາດຂອງຄູອາຈານ, ພັກນັກງານຄຸ້ມຄອງການສຶກສາຕາມນັ້ນແລ້ວຕ້ອງປ່ຽນໃໝ່ຕາມທິດສ້າງພື້ນຖານການສຶກສາເປີດກວ້າງ ແລະ ພັດທະນາການສຶກສາເອເລັກໂຕນິກ. ສິ່ງທີ່ເປັນພື້ນຖານຂອງການປ່ຽນໃໝ່ການສຶກສາ ບຳລຸງສ້າງນັ້ນແມ່ນ ຫັນຈາກການສອນ, ບຳລຸງສ້າງຄືປະຈຸບັນຄື; ຖ່າຍທອດສົ້ນດຽວໄປຍັງການສອນ ແລະ ຊ່ວຍໃຫ້ນັກຮຽນ, ນັກສຶກສາມີຄວາມເປັນເຈົ້າການ, ຕັ້ງໜ້າ, ມີຫົວຄິດປະດິດສ້າງ… ຕາມບັນດາຜູ້ແທນແລ້ວ, ເຕັກໂນໂລຊີຂໍ້ມູນຂ່າວສານແມ່ນວິທີບຸກທະລຸ ປະກອບສ່ວນປ່ຽນໃໝ່ໂດຍພື້ນຖານ ແລະ ຮອບດ້ານການສຶກສາບຳລຸງສ້າງ.