(vovworld) - ວັນທີ 15/12, ຄະນະຊາວໜຸ່ມນະຄອນ ໂຮ່ຈີມິນ ໄດ້ຈັດຕັ້ງກອງປະຊຸມວິທະຍາສາດໜຸ່ມດ້ວຍຫົວຂໍ້ວ່າ “ຜົນກະທົບຂອງປະຊາຄົມເສດຖະກິດ ອາຊຽນ ເຖິງ ນັກຮຽນ, ນັກສຶກສາ ແລະ ຜູ້ອອກແຮງງານໜຸ່ມຢູ່ນະຄອນ ໂຮ່ຈີມິນ”. ກອງປະຊຸມມີບົດທາບທາມຄວາມເຫັນຂອງບັນດານັກວິທະຍາສາດໜຸ່ມມາຈາກຫົວໜ່ວຍຕ່າງໆໃນທົ່ວປະເທດ 79 ບົດ , ໄດ້ສຸມໃສ່ບາງເນື້ອໃນຄື: ກາລະໂອກາດ ແລະ ສິ່ງທ້າທາຍສຳລັບນັກຮຽນ, ນັກສຶກສາ ແລະ ຜູ້ອອກແຮງງານໜຸ່ມນະຄອນເມື່ອປະຊາຄົມເສດຖະກິດ ອາຊຽນ ໄດ້ຮັບການສ້າງຕັ້ງຢ່າງເປັນທາງການ, ບັນດາມາດຕະການເພີ່ມທະວີທັກສະ ແລະ ຄວາມສາມາດເຊື່ອມໂຍງໃຫ້ສະມາຊິກຊາວໜຸ່ມນະຄອນ, ກຳນົດທີ່ຕັ້ງແຫຼ່ງຊັບພະຍາກອນມະນຸດໜຸ່ມນະຄອນໃນປະຊາຄົມເສດຖະກິດ ອາຊຽນ… ບັນດາສິ່ງທ້າທາຍກ່ຽວກັບຄວາມຕ້ອງການດ້ານຊັບພະຍາກອນມະນຸດມີຄຸນນະພາບສູງຕອບສະໜອງຕະຫຼາດຄົນງານໄລຍະເຊື່ອມໂຍງແມ່ນບັນຫາເຊິ່ງບັນດາຜູ້ແທນໄດ້ເອົາໃຈໃສ່ປຶກສາຫາລືຫຼາຍທີ່ສຸດ. ບັນດາຜູ້ແທນຖືວ່າ, ໄປຄຽງຄູ່ກັບບັນດາມາດຕະການຍົກສູງຄຸນນະພາບການບຳລຸງສ້າງ, ເພື່ອນໜຸ່ມຕ້ອງເປັນເຈົ້າການກຳແໜ້ນຂໍ້ມູນຂ່າວສານ, ກາລະໂອກາດເພື່ອມີການປ່ຽນໃໝ່ຢ່າງທັນການ, ແລກປ່ຽນຄວາມຮູ້… ພ້ອມກັນນັ້ນ, ບັນດາຂະແໜງການກ່ຽວຂ້ອງຕ້ອງສຸມໃສ່ເຂົ້າບັນດາການເຄື່ອນໄຫວອາຊີວະສຶກສາ, ສ້າງເງື່ອນໄຂໃຫ້ຜູ້ຮຽນມີຄວາມເຂົ້າໃຈ ແລະ ກຳນົດທ່າອ່ຽງຊັບພະຍາກອນມະນຸດກໍ່ຄືເລືອກເຟັ້ນອາຊີບໃຫ້ເໝາະສົມ.