ຜູ້ບັນຊາການກຳລັງທະຫານພິທັກ ການປະຕິວັດ ອິດສະລາມ ອີຣານ ອະພິປາດຕໍ່ໜ້າ ສະພາແຫ່ງຊາດກ່ຽວກັບເຫດເຮືອບິນ ຢູແກຼນ ຖືກຍິງຕົກ
(VOVWORLD) -ວັນທີ 12 ມັງກອນ, ທ່ານ Hossein Salami ຜູ້ນຳໜ້າກຳລັງທະຫານພິທັກ ການປະຕິວັດ ອິດສະລາມ ອີຣານ ໄດ້ອະພິປາຍຕໍ່ໜ້າສະພາແຫ່ງຊາດ, ພາຍຫຼັງ 1 ວັນ ທີ່ ອີຣານ ອອກມາຍອມຮັບຄວາມຮັບຜິດຊອບໃນເຫດຍິງເຮືອບິນລຳໜຶ່ງຂອງບໍລິສັດການບິນສາກົນ ຢູແກຼນໃນວັນທີ 8 ມັງກອນ.
 ທ່ານ Hossein Salami ຜູ້ນຳໜ້າກຳລັງທະຫານພິທັກ ການປະຕິວັດ ອິດສະລາມ ອີຣານ (ພາບ: Twitter) |
ທີ່ກອງປະຊຸມລັບນີ້, ກໍ່ຄືກັບຄຳຖະແຫຼງໃນ ກ່ອນໜ້ານັ້ນ ຂອງກຳລັງປ້ອງກັນທາງອາກາດ ອີຣານ, ທ່ານ ພົນຈັດຕະວາ Hossein Salami ໄດ້ຍອມຮັບວ່າ ຍ້ອນຄວາມຜິດພາດ ເຊິ່ງເຮັດໃຫ້ເຮືອບິນດັ່ງກ່າວກາຍເປັນເປົ້າໝາຍຂອງລູກສອນໄຟ ລູກໜຶ່ງ. ບັນດານັກນິຕິບັນຍັດອີຣານກໍ່ໄດ້ສົ່ງຄຳ ສະແດງຄວາມເສົ້າສະຫຼົດໃຈ ເຖິງບັນດາຄອບຄົວຂອງຜູ້ປະສົບເຄາະຮ້າຍ ແລະ ໃຫ້ຮູ້ວ່າ ບໍ່ມີແນວຄິດປິດບັງສາຍເຫດຂອງອຸບັດຕິເຫດຄັ້ງນີ້. ລັດຖະບານຈະປະຕິບັດທຸກໆມາດຕະການທີ່ຈຳເປັນເພື່ອສືບສວນ, ກໍ່ຄືບັງຄັບບັນດາຜູ້ທີ່ກ່ຽວຂ້ອງຕ້ອງ ຮັບຜິດຊອບ.