(vovworld) – ວັນທີ 8/8, ຜູ້ມີອຳນາດເຕັມແຫ່ງ ນິວຊີແລນ Jerry Mateparae ແລະ ພັນລະຍາໄດ້ເດີນທາງອອກຈາກນະຄອນ ໂຮ່ຈີມິນ, ສິ້ນສຸດການຢ້ຽມຢາມທາງລັດຖະກິດຢູ່ ຫວຽດນາມ ໃນລະຫວ່າງວັນທີ 3 – 8/8 ຕາມຄຳເຊື້ອເຊີນຂອງທ່ານປະທານປະເທດ ເຈືອງເຕີນຊາງ ຢ່າງຈົບງາມ. ໃນໄລຍະເວລາຢູ່ ຢ້ຽມຢາມ ຫວຽດນາມ, ຜູ້ມີອຳນາດເຕັມແຫ່ງ ນິວຊີແລນ Jerry Mateparae ມີການເຈລະຈາກັບທ່ານປະທານປະເທດ ເຈືອງເຕີນຊາງ, ພົບປະກັບທ່ານເລຂາທິການໃຫຍ່ ຫງວຽນຟູ໋ຈ້ອງ, ທ່ານນາຍົກລັດຖະມົນຕີ ຫງວຽນເຕີນຢູງ ແລະ ທ່ານປະທານສະພາແຫ່ງຊາດ ຫງວຽນຊິງຮູ່ງ. ທີ່ການພົບປະຄັ້ງຕ່າງໆ, 2 ຝ່າຍເຫັນດີເປັນເອກະສັນນຳກັນເພີ່ມທະວີການເຄື່ອນໄຫວຮ່ວມມືລະຫວ່າງ 2 ປະເທດໃນຂົງເຂດຕ່າງໆ, ພ້ອມທັງຊຸກຍູ້ການເຄື່ອນໄຫວຮ່ວມມືລົງທຶນ, ແລກປ່ຽນການຄ້າ, ນຳວົງເງິນການຄ້າ 2 ສົ້ນບັນລຸຕົວເລກປະທັບໃຈກ່ວາອີກໃນໄລຍະຈະມາເຖິງ.
ໃນການຢ້ຽມຢາມ, ຜູ້ມີອຳນາດເຕັມແຫ່ງ ນິວຊີແລນ Jerry Mateparae ໄດ້ໄປວາງພວງມາລາ ແລະ ເຂົ້າໄຫວ້ອາໄລສຸສານປະທານ ໂຮ່ຈີມິນ, ເຂົ້າຮ່ວມພິທີສະເຫຼີມສະຫຼອງການພົວພັນຮ່ວມມືການສຶກສາລະຫວ່າງ ຫວຽດນາມ ແລະ ນິວຢີແລນ, ພົບປະກັບປະຊາຄົມ ແລະ ວິສາຫະກິດ ນິວຊີແລນ ແລະ ໄປຢ້ຽມຢາມບາງທ້ອງຖີ່ນ ແລະ ຮາກຖານເສດຖະກິດ, ວັດທະນະທຳຂອງ ຫວຽດນາມ.