(vovworld) - ວັນທີ 05/03, ຜູ້ແຫ່ຂະບວນປະທ້ວງນັບພັນຄົນຕ້ານລັດຖະບານໄທ ໄດ້ເດີນຂະບວນໄປຍັງສຳນັກງານຂອງພັກເພື່ອໄທ ກຳອຳນາດ, ໃນຂະນະທີ່ຊາວກະສິກອນຫຼາຍຄົນຍັງຕັ້ງຄ້າຍຢູ່ເຂດອື່ນໃນນະຄອນຫຼວງບາງກອກ ເພື່ອທວງເອົາບ້ວງໜີ້ເຊິ່ງລັດຖະບານໄດ້ຕິດໜີ້ເຂົ້າເຈົ້າ. ບັນດາຜູ້ແຫ່ຂະບວນປະທ້ວງໄດ້ຍົກປ້າຍຄຳຂວັນ “ຕ້ອງຍຸດບັ້ນກະທຳກໍ່ຄວາມແບ່ງແຍກຢູ່ໄທ”, ຫຼັງຈາກນັ້ນກຸ່ມຄົນດັ່ງກ່າວໄດ້ອອກໄປ ແລະ ບໍ່ເກີດມີການປະທະກັນ. ຜູ້ແຫ່ຂະບວນປະທ້ວງສືບຕໍ່ໄປເຖິງອົງການພາສີ, ເປັນສ່ວນໜຶ່ງໃນບັ້ນເຄື່ອນໄຫວກີດຂວາງບັນດາກະຊວງ, ຂະແໜງການ ແລະ ອົງການມີສິດອຳນາດໄທ ເຄື່ອນໄຫວ. ຜູ້ນຳກະແສຟອງແຫ່ຂະບວນປະທ້ວງ ສຸເທບ ເທືອກສຸບັນ ຖະແຫຼງວ່າ ບັ້ນກະທຳນີ້ຈະເພີ່ມທະວີຂຶ້ນ, ໂດຍບໍ່ຫົວຊາຕໍ່ເລື່ອງຜູ້ແຫ່ຂະບວນປະທ້ວງ ຢຸດຕິການປິດລ້ອມບັນດາເສັ້ນທາງໃຫຍ່ຕົ້ນຕໍ່ຢູ່ບາງກອກ ນັບແຕ່ທ້າຍອາທິດຜ່ານມາ.
ແລະກໍ່ໃນວັນດຽວກັນ, ທະນາຄານແຫ່ງລັດໄທ ຖະແຫຼງວ່າ ຈະເລີ່ມຊຳລະບັນດາບ້ວງໜີ້ສິນໃນອາທິດໜ້າ, ແຕ່ຈຳນວນເງິນຊຳລະບໍ່ເຮັດໃຫ້ຊາວກະສິກອນ ເພິງພໍໃຈ, ເຂົ້າເຈົ້າພວມແຫ່ຂະບວນປະທ້ວງຢູ່ອ້ອມສຳນັກງານກະຊວງການຄ້າຂອງປະເທດນີ້ ໃນຫຼາຍອາທິດຜ່ານມາ.