(VOVWORLD) -ວັນທີ 15 ຕຸລາ, ຢູ່ຮ່າໂນ້ຍ, ສະຫະພັນ ບັນດາ ສະມາຄົມວິທະຍາສາດ ແລະ ເຕັກນິກຫວຽດນາມໄດ້ຈັດຕັ້ງເວທີປາໄສວິທະຍາສາດ “ນະໂຍບາຍພັດທະນາ ພະລັງງານຜະລິດຄືນໃໝ່ໃນການຮັບປະກັນຄວາມໝັ້ນຄົງ ດ້ານພະລັງງານ ແລະ ປົກປັກຮັກສາສິ່ງແວດລ້ອມ”.
 ເວທີປາໄສວິທະຍາສາດ “ນະໂຍບາຍພັດທະນາ ພະລັງງານຜະລິດ ຄືນໃໝ່ໃນການຮັບປະກັນຄວາມໝັ້ນຄົງ ດ້ານພະລັງງານ ແລະ ປົກປັກຮັກສາສິ່ງແວດລ້ອມ”(ພາບ: baodatviet.vn) |
ທີ່ເວທີປາໄສ, ບັນດານັກຊ່ຽວຊານ ຂະແໜງພະລັງງານຖືວ່າ ທ່າໄດ້ປຽບຂອງການພັດທະນາພະລັງງານຜະລິດຄືນໃໝ່ແມ່ນກໍ່ສ້າງໄວ, ເຄື່ອນໄຫວມີສະຖຽນລະພາບ, ແຫຼ່ງເຊື້ອເພີງໃຫ້ແກ່ພະລັງງານຜະລິດຄືນໃໝ່ທີ່ ມີຢູ່ທຸກທ້ອງຖິ່ນ ແລະ ລາຄາຂອງພະລັງງານຜະລິດຄືນໃໝ່ສາມາດແກ່ງແຍ້ງເທົ່າທຽມກັບພະລັງງານບໍ່ຜະລິດຄືນໃໝ່.
ທ່ານ ເຈືອງຢຸຍເຫງີຍ, ປະທານສະມາຄົມວິທະຍາສາດຄວາມຮ້ອນ ຫວຽດນາມ ໄດ້ສະແດງວ່າ ເພື່ອພັດທະນາໄຟຟ້າຜະລິດຄືນໃໝ່, ພຽງແຕ່ສຸມໃສ່ໄຟຟ້າແສງຕາເວັນ ແລະ ໄຟຟ້າແຮງລົມ, ເປັນຕົ້ນແມ່ນໃນຂະນະທີ່ ຫວຽດນາມ ມີເງື່ອນໄຂຢ່າງຄົບຖ້ວນເພື່ອພັດທະນາ 2 ແຫຼ່ງພະລັງງານນີ້.