ພິທີງານສົບລະດັບຊາດ ທ່ານພົນເອກຫວໍ້ງວຽນຢາບ ໄດ້ຮັບການຕີລາຄາສູງ ຈາກຫາງສຽງ
(ພາບ:TTXVN)
(vovworld)- ພິທີງານສົບລະດັບຊາດທ່ານພົນເອກຫວໍ້ງວຽນຢາບ ໄດ້ຮັບການຈັດຕັ້ງຂຶ້ນຢ່າງສົມກຽດ, ຖືກຕ້ອງຕາມພິທີການ, ລອບຄອບທີ່ຖ້ວນ ແລະ ສ້າງຄວາມປະທັບໃຈອັນດີງາມໃນໝູ່ ປຊຊ ຫວຽດນາມ, ຄອບຄົວທ່ານພົນເອກ ແລະ ຄວາມເຄົາລົບນັບຖືຈາກເພື່ອນມິດສາກົນ. ນັ້ນແມ່ນຂໍ້ໃຫ້ສັງເກດຖືກຍົກອອກມາໃນການປະຊຸມເມື່ອຕອນບ່າຍວັນທີ 28/10 ຢູ່ຮ່າໂນ້ຍ ຂອງຄະນະຈັດຕັ້ງພິທີງານສົບລະດັບຊາດ ທ່ານພົນເອກຫວໍ້ງວຽນຢາບ ໂດຍທ່ານຮອງນາຍົກລັດຖະມົນຕີ ຫວຽດນາມ ຫງວຽນຊວນຟຸກ, ຫົວໜ້າຄະນະຈັດຕັ້ງພິທີງານສົບລະດັບຊາດທ່ານພົນເອກຫວໍ້ງວຽນຢາບ ເປັນປະທານ . ທີ່ການປະຊຸມ, ຜູ້ຕາງໜ້າຄອບຄົວ ທ່ານພົນເອກຫວໍ້ງວຽນຢາບ ໄດ້ສະແດງຄວາມຮູ້ບຸນຄຸນອັນເລິກເຊິ່ງຕໍ່ການຊີ້ນຳຂອງກົມການເມືອງ, ຄະນະເລຂາ, ລັດຖະບານ, ພິເສດແມ່ນຄະນະຈັດຕັ້ງພິທີງານສົບລະດັບຊາດ ແລະ ບັນດາອົງການໄດ້ປະສານສົມທົບກັນດ້ວຍຄວາມຮັບຜິດຊອບ ແລະ ອາລົມຈິດ ເພື່ອໃຫ້ພິທີງານສົບທ່ານພົນເອກຫວໍ້ງວຽນຢາບ ດຳເນີນໄປດ້ວຍດີ, ລອບຄອບທີ່ຖ້ວນ, ປອດໄພ, ໂດຍສະເພາະແມ່ນການເຂົ້າຮ່ວມຂອງກອງທັບ, ຕຳຫຼວດ ແລະ ຊາວໜຸ່ມອາສາສະໝັກ./.